Handicraft siamna hmun tlawh
Mizorama handicraft lama hma kan sawn theihna atana hriat belh turte zirin Environment Forest &CC minister TJ Lalnuntluanga chuan Zirtawpni khan Aizawla handicraft siamna hmun a tlawhkual.
Minister hi handicraft tituten lo dawngsawngin an harsatna tawh hrang hrang an lo thlen a. Hruipui, Thilte, Kawrtai leh hnang hmanga Mizo thilsiam chi hrang hrang enin, raw material-a an harsatna sutkian a nih theih dan tur sawi ho a ni.
Mizorama Hruipui te, Thilte, hruihnangte state intodelhna pakhat atan leh suma chantirna kawngah humhalh a ngai tawh tih TJ Lalnuntluanga hian a sawi a. Tuna mamawhte hi ‘Reserve Forest’ chhung ami chu lak a rem loh avangin kuthnathawktute harsatna sutkian theihna’n Forest department nen tangdunin ‘plantation’ siam theih dan ngaihtuahpui a tum tih sawi. Forest nursery-ah bul tan a nih theih na’n kuthnathawk tute chu project lian zawka hma lakpui a tum thu a hrilh.
Minister hi ZOHANCO chairman C Lalrammawia leh EF&CC principal secretary & PCCF RK Singh ten an tawiawm a ni.
Handicraft siamna hmun tlawh
