Site icon The Aizawl Post

Harpreet Singh-a’n kutzungpui hmanga push-up tiin record a siam

Harpreet Singh-a’n kutzungpui hmanga push-up tiin record a siam
Harpreet Singh chuan minute khatah kutzungpui chauh hmangin push-up vawi 80 a tihman a, Guinness World Record a siam. Sultanpur Lodhi a cheng, Harpreet Singh, Vicky Deol an tih bawk hian national-level record te pawh a lo siam nual tawh a, tunah chuan Guinness World Record a siam ta. A record chu minute khata thumb push-up tihnem thei ber a ni.
Harpreet Singh hian thumb push-up hmang hian Limca Book of Records, Golden Book of World Records, India Book of Records leh Asia Book of Record-ah te pawh 2017 leh 2018 khan a hming a lo chuan tir ve tawh bawk a ni.
Harpreet Singh chuan record hi Lovely Professional University, Phagwara-ah a siam a, Guinness World Records bu a hming chuan tir ve ngei chu a duhthusam a nih thin thu a sawi a, “Pawl thum ka zirlai atang tawhin sports leh fitness-ah ka tui tan a. Kho-kho leh kabaddi te kum tam tak ka khel a, medal leh certificate te pawh ka dawng nual. Sports-a kan tel ve hian a pawimawhna hi kan lo ngaihtuah ngai vak lo, record siam tura kawng min kawhhmuhtu tha kha an awm lo ve bawk a,” a ti.
2017 kha a record siam hmasak ber a ni a, minute khatah thumb push-up vawi 59 tiin Limca Book of Record-ah a hming a chuang ve ta a, chuta tang chuan Guinness World Record bu-a a hming chuan tir ngei tumin a inbuatsaih ta a ni.

Exit mobile version