A club thar tan goal hnih a khung leh tawh! Chu goal hnih chu si hnih faia Bayern Munich-in 2-1-a mikhual Galatasaray hnehna’n an hmang a ni satliah mai lo a, Group A atanga Cham-pions League round of 16 luhna’n an hmang!
England captain Kane hian tun season inelna hrang hrangah Bavarians tan game 15 khelin goal 19 lawih a thunsak tling tawh a; Nilaini zana a goal hnih thawh leh hmangin Bayern chuan khelh lia hnehna chang fai vekin point 12 nen an hmahruaina an sawhnghet.
Goal thum lut hi a tlai hlawm hle a, minute 80-ah Kane-a goal hmasa zawk lutin, minute ruk hnuah Kane bawkin sihnih faia mualneitu team filawrna a khung belh a; hun pekbelh minute thumnaah Cedric Bakambu chuan Galata-saray tan a thun ve bauh.
Harry Kane khan tum khat goal kham a tihper bakah goal kham chungah a tauhchhuak bawk a; chuti chung chuan a goal hnih thun hmang khan English player zinga Champions League goal 25 khung tling pathumna a ni zui ta tho.
Galatasaray hian point li an khawl tawh hmangin pahnihna an luah nghet zo lo a, Nilaini zan inkhel dangah 3-3-a an mikhual Manchester United hneh-tu FC Copenhagen chuan goal difference-a an san zawkna hmangin Istan-bul club hi an luahlan a; a mawngphahah point thum bak la hmuhbelh zo lo Premier League club an chhuk thung.
Harry Kane! Harry Kane!
