Harry Styles leh Emily Ratajkowski an ‘ni’
Harry Styles leh model Emily Ratajkowski te chu March ni 25-a Daily Mail-in video an post-ah Tokyo khawlaiah an inchuks lai an hmu fuh tlat mai a, an inngaizawng tih thu a thang zui ta a ni. Harry Styles hian Lone On Tour a neih mekah Tokyo-a Ariake Arena-ah show a nei a ni.
Video-ah chuan Harry Styles hian suit dum leh kar var hain, Emily hian black & white printed cropped top chungah pink & black puffer jacket a ha ve thung a, motor hnung lamah ding dunin an incuks zuai a, khawlaiah an lam dun bawk.
Harry Styles leh a tawih Olivia Wilde te chu kum hnih vel an inzui hnuah thla li kalta khan an inthen a, kar hnih liamta mai khan Olivia leh Emily nen hian Vanity Fair 2023 Oscar after party, Los Angeles-ah an lo party ho ve zar zar bawk.
Emily hi Sebastian Bear-McClard nen inthenin, an inthenna hi court amah an la buaipui mek a, Sebastian nen hian fapa, kum hnih mi, Sylvester ‘Sly’ Apollo Bear an nei a, Sebastian nena an inthen hnuah comedian Eric Andre an inzuiin, February thla kalta khan an inthen ve leh tawh bawk. Emily hi model chhe lo tih takah a luck riau a, Eric nen an in-date hma hian iggy designer Jack Greer nen nikum December khan an ni zuai a, chumi hma lawkin comedian Pete Davidson nen an ni zuai tawh bawk.
Harry Styles leh Emily Ratajkowski an ‘ni’
![](https://theaizawlpost.org/wp-content/uploads/2023/03/emily.jpg)