MPCC thupuangtu Dr Lallianchhunga leh Spinal Chord Injured & Persons Living With Wheelchair Society of Mizoram (SCI & PLWWSM) hruaitute chu Inrinni khan an inkawm a. Harsatna an tawh leh inpuih theih dan tur te sawi a ni.
SCI & PLWWSM hruaitute chuan thingtlanga an member-ten damdawia inenkawlna tha an neih that tawk loh thu leh khawpuia an member-te pawhin damdawia inenkawlna senso leh sawrkar building sak danah harsatna an la tawh thu an sawi.
MPCC thupuangtu chuan Persons with Disablity-te chu The Rights of Persons with Disabilities Act 2016-in an chanvo a humhalh tha em em a, an zahawmna humhim kawngah leh an thiamna an hman tangkai theihna tur remchang siamsak kawngah an pianphung avanga thleibikna awm loa an thlen theih chin sang ber thleng thei tura tanpui a, an chetvelna awlsam tura hmun leh hma – sawrkar building leh vantlang intawm in ho siamrem kawngah sawrkarin a tih tur a tih that a ngai tih a sawi. Biak inah pawh wheelchair hmangtute tana kalna siam chu a Pathian thu em em tih a sawi a ni.
“Congress party chuan ‘Tang Puihna’ kan nei a, hei hi Pu Lalsawta kaihhruaina hnuaia din sawrkar tha in a tih ngei ngei tur a ni. Dinhmunin a zir loh avanga tang theilote pawh tanpui kan tum. Pu Lalsawta hoin mirethei leh pachhiate tana pawha pa nih tling tak sawrkar tha din kan tum a. In harsatna thinlung taka hrethiam mi Congress party-ah hruaitu tam tak an awm a ni,” Dr Lallianchhunga chuan a ti.
Harsatna sutkian dan tur sawiho
