Daily Newspaper

Hat-trick vawi 58 siam tling Ronaldo

62

First half tir lam minute 13 chhunga penalty vawi-hnih a chhuihluh leh second half tawp dawna a goal pangngai khung hmangin Cristiano Ronaldo chuan club leh ram tan belhkhawmin hat-trick tum 58 a ngah tling chiah a, Thawhlehni zan European World Cup qualifier-ah Portugal-in singa faiin an mikhual Luxembourg an sawp.

Luxembourg laka goal kua thun tling tawh Portugal captain hi he team laka mimala international goal thun hnem ber niin, Estadio Algarve inkhelah pawh Luxembourg-in a kut thak an tuar leh!

Manchester United forward goal thum bakah Bruno Fernandes leh Alves Palhinha Goncalves-te’n mualneitu team tan goal khat ve ve an thawh a, an kawtkaia an point thum hlawhchhuah leh nen Portugal hian khelh ruka point 16 nei chungin Group A table-ah pahnihna an luah a, game khata khel tam chunga hmahruaitu Serbia lakah point khatin an la hniam.

Kum 36 mi lai ni tawh chungin Ronaldo hian ‘headline’ luah a bang thei lo a, thla hmasa mai khan international football-a mipa goal khung hnem ber Iran striker Ali Daei record (109) a lo khum tawh bawk a, club leh ram tan goal thun a thulh thei lo.

Portugal hian an group match hnuhnung bera hmahruaitu Serbia an hmachhawn hmain Republic of Ireland an su leh phawt ang.

Albania 0-1 Poland
Home fans thenkhatin khelmual chhunga an hmanraw hmuh ang ang an vawmluh chuan mikhual player-te a fuh avangin Thawhlehni zan World Cup qualifying inkhel hi chawlhlailawk zet a ni a, kha thil thleng avang khan minute 20 chhung zet ram pahnih player-te’n khelmual an chhuahsan a, Air Albania Stadium-a Poland chakna goal awmchhun hi minute 77-a Karol Swiderski tihluh a ni.

He Group I fixturea-ah hian Albanian mipuii’n kawhmawh an bawl a, khelmual chhunga plastic tui bur an vawmluh chiam avangin an home match khelh leh turah Albania hian hremna an tuar mai thei a, khelmual ruaka an khelh a ngai mai thei.

An mikhualna hmun atanga point thum an humhaw hmangin Poland hian Albania lehpelin an group-ah pahnihna an luah chho a, khelh riata point 17 neiin, hmahruaitu England lakah poiunt thum chiahin an hniam tawh.

Bottle sur ur ur laka inven chawn chawn ngaia an awm hnuah Poland captain Robert Lewandowski chuan goal an thun rual chiahin khelmual chhungah Albania fans lamin bottle an vawmlut tih sawiin, “A hlauhawm ve det a, mahse, khelmualah kirlehin kan inkhel zo thei ta tho a ni,” a ti.

A tumkhatna atana World Cup finals thlen tum mek Albania hi pathumnaah an chhuk leh ta rih a; thla thar hian Wembley-ah England an luhkhung ang a, an group game hnuhnung berah Andorra an mikhual ang.

Poland ve thung hian November thlaah Andorra luhchilhin, Hungary an mikhual zui leh ang.candidate dang pahnihte chu Jesse Lingard leh Mason Greenwood-te an ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy