Daily Newspaper

Havana Syndrome-in US tibuai nasa hle

25

US officials te chuan Secretary of State-in Colombia a tlawh hma lawka US embassy staff Havana syndrome vei te chu an chhuichiang mek.

Bogota-a US embassy staff te chuan he natna mak tak mai benga ri natak siamtu leh tizawia mumal nei lova siamtu hi an vei nia sawi a ni a.

Havana Syndrome hi kum 2016 khan Cuba-ah hmuhchhuah hmasak ber niin he mi hnu atang hian khawvel hmun hrang hranga US diplomats te chuan an vei hlawm a ni.

Khawi atanga chhuak nge tih pawh hriat a ni lo va, ralthuam chikhat ni theia ngaih a ni bawk.

Wall Street Journal chuan Colombia-a US ambassador Philip Goldberg an email a thawnah kumin September atang khan natna mak tak eng nge tih hriatloh staff te zingah kai an awm tiin a sawi thu an chhuah a.

Colombian President Ivan Duque chuan New York Times hnenah investigation an neih mek thu leh US-in hmahruaia an kalpui mek thu a sawi.

Havana syndrome kai Americans te chuan an bengah ri natak an hriat thu an sawi a. American 200 velin vei tawhin an kai hnuah thla tam tak an chau zui niin an sawi bawk.

American Havana Syndrome kai te zinga a zahve zet chu CIA te an ni bawk a. Kar kalta Zirtawpni khan Berlin-a US embassy-ah pawh Havana Syndrome kai hmuh niin President Joe Biden chuan ‘mawhphurtu an hriatchhuah ngeia hremna lekkawh ngei’ a nih tur thu a sawi.

Havana Syndrome vei te chu US sorkar chuan financial compensation a pe zel dawn bawk a, chu mi atana dan siam thar chu President Biden an hming a ziah hnan tawh bawk. US chuan Havana Sydnrome chhui chian hna hi ngawrh takin a kalpui mek a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy