Mizoram sawrkarin mipui huapzo damlo enkawlna – Universal Healthcare kalpui a tum chungchangah Health minister Lalrinpuii hoin sawrkar lama thuneitute leh Mizoram Civil Pensioners Association (MCPA) hruaitute chu Ningani khan an inkawm.
Finance addl secretary Ramchuana chuan civil pensioner pawl hruaitute nena an lo indawr tawh dan a sawi a. Civil pensioners atangin an association ngaihdan an sawi bawk.
MCPA president Prof Lianzela chuan health care zawm duh leh duh lo tana duh thlan dan awm thei se an duh tih a sawi a. Medical allowance surrender turah pawh pension amount azira ‘slab’ siam ve nise tih bakah sawifiah tura an duh, clarification point 9 sawrkara an thlen thu a sawi. July 4 hian association ngaihdan la turin an thukhawm dawn tih a sawi bawk.
Inrawnkhawmah hian adviser to CM (Finance) TBC Lalvenchhunga leh adviser to CM (Handholding) KC Lalmalsawmzauva te chuan Health minister hi an tawiawm a ni.
Health care kalpui turah MCPA rawn
