Daily Newspaper

Health Care Scheme hman dan rualkhai lo

39

Damdawi ina inenkawl ngai damloten sawrkar atanga senso an pur theihna chi hnih Mizoram Health Care Scheme leh AB PM-JAY chu district hrang hrangah hman dan a rualkhai lo tih sawi a ni a. Governing Body chuan uar zawka inhrilhhriatna kalpui tul an tih thu an sawi.

Mizoram State Health Care Scheme Governing Body chu Nilaini khan an chairman, chief minister Zoramthanga hoin a vawi 23-na atan an thukhawm.

Nikum October 1 atanga kumin September 3 thlenga Revised Mizoram Health Care Scheme hnuaia hamthatna pek dan an thlir ho a. He scheme hian damdawi ina riaklutte bakah natna 26 OPD-a inenkawlna a huam. A vaiin Rs. 32,59,88,780 pekchhuah niin, heng zingah hian private damdawi ina inenkawl an tam zawk a, mi 7435 an ni. Sawrkar damdawi ina inenkawl mi 4190 an ni thung.

AB PM-JAY hnuaia inenkawlna man bill peksak hi a vaiin Rs. 19,69,17,804 a ni a. Sawrkar damdawi ina inenkawl mi 16906 niin private damdawi ina inenkawl 2084 an ni. State Referral Hospital Falkawn chu Covid-19 hrileng avanga Covid kaite enkawlna tur bik atana hman a nih tak avangin public hospital-a inenkawl zat hi a tlakhniam phah ta nia ngaih a ni.

Thutkhawmah hian district tina Health Care Scheme an hman dan a rualkhai loh thu sawi niin, inhrilhhriatna leh inzirtirna tha zawk neih pawimawh an ti. Claim lut zawng zawng atanga natna hrang hrang an thliar atangin Cancer inenkawlna a langsar ber a. Nau neihna, thin, chuap, kal leh zun kawng natna, zu kaihhnawih natna, pneumonia te chu natna tam ber zing ami a ni.

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy