Daily Newspaper

Health minister hoa thutkhawmah inthlan sawn lam rawt lo

9

Pathiannia Health minister hoa sawrkar official-te thukhawmin hrileng mek chungchang an sawi honaah village council leh local council inthlan hun sawn leh chungchang lam rawtna a nei loa, fimkhur taka inthlan neih tul an tih thu erawh sawilan a ni. (report kimchang phek 2-ah)

Health & Family Welfare minister Dr R. Lalthangliana hoin Covid-19 leng dona kawnga hmalakna leh ruahmanna chu thlirlet a ni a. Minister chuan hrileng dona kawngah ziaawm lam kan pan emaw tih mek laiin nitin kai thar an pung zel a, kan dinhmun sawithiam a har a, thil thlengte ngaihtuahin a tlachawpa ruahmanna herrem zel a ngai thin, a ti. Tun dinhmunah a bikin Aizawl khawpui, Kolasib tlangdung leh Darlawn leh Sawleng te contact tracing-ah ngaihpawimawh a tul avangin a kaihhnawih official-te chu thutkhawmah hian sawm tel an ni tih a sawi.

Local council leh village council inthla tur chungchang pawh sawilan niin ruahmanna mumal leh fimkhur thei ang bera siam a pawimawh thu an sawi a ni.

Medical Operational Team chairman Dr ZR Thiamsanga chuan tuna contact tracing kalpui mek chu ennawn a tha em, tih zawhna siamin eng chen nge contact tracing hi huamtir a nih dawn tih sawiho tha a tih thu a sawi a. Chhiatni/thatni inkaihhruaina sawrkarin a siam chuan mipui zawm a hlawh lo hle, tiin, “Hmun tam takah he kaihhruaina dan hi kan bawhchhia a, tun aia khauh leh zawka kan kalpui hi kan zavaia himna atan a tul takzet a ni,” a ti.

Health secretary H Lalengmawia chuan Covid Care Centre (CCC) dinhmun tarlangin, tunah hian Mizoram puma CCC hrang hrangah khum 896 a awm mek a. Hei bakah hian CCC a tam thei ang ber a awm theih nan a hmunhma tur hrang hrang dapin ruahmanna siam mek a ni tih a sawi. Medical lam hnathawkte indaihlohna pawh sukiang turin a thei ang angin hma lak zel a ni tih a sawi bawk.

Thutkhawmah hian LC leh VC inthlan awm turah a fimkhur thei ang bera inthlan buatsaih leh inpuahchah a tul tih sawi niin, Aizawl bawrhsap, district election officer ni bawk chuan hemi chungchanga ruahmannate a sawi a ni.

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy