HIV (Human Immunodeficiency Virus) leh inpawlna a\anga natna inkai chhawn theih Sexually Transmitted Infection (STI) dang dona atana India ram puma inzirtirna hrang hrang kalpui tur beihpui, “Intensified IEC Campaign – India Fight Against HIV & STIs” chu Lunglei district tan nimin khan health & family welfare minister Lalrinpuii’n a hawng. Health minister Lalrinpuii chuan, ruihhlovin mahni nun inthlahdahna a thlen a, chu chuan natna \ha lo – HIV leh STI-te a tipung chak hle a ni, a ti a. Mizorama HIV leh STI pung chak lutuk chuan thuneitute leh thawktute mang a ti-ang tak zet tih sawiin, HIV/AIDS do tur hian sawrkar chuan “State Council on AIDS” te tuai thar lehin, State Legislative Assembly-a MLA awm hmun thuma \hena hmun hnih lai telna – “Legislative Forum on HIV/AIDS” pawh din thar leh tumin Assembly Speaker phalna dila hma lak mek a ni, a ti.
He natna darh zel tur venna campaign hlawhtlinna tur chu mipuiteah a innghat a, health department-a thawkte mai bakah, district ddministration lam te, sawrkar hna thawk, sikul naupang, kohhran leh tlawmngai pawl te \an rualna a pawimawh a ni, a ti a. Intensified IEC Campaign-in a tum ber – mipui zawng zawng hnen thleng phak HIV leh STI natna dona kawnga inzirtirna theh darh a hlawhtlin ngei theih nan theih tawp chhuah \heuh turin hma latute chu a chah a ni.
Lungleia Intensified IEC Campaign – India Fight Against HIV & STIs hawnna hunah hian mi pawimawh \hahnem tak an kal khawm a, zirlaite’n HIV leh STI hlauhawmzia te, kai lo tura inven dan tur leh mipui zirtirna pawimawh hrang hrang thuziak kengin kawng an zawh a ni.
Lunglei district-ah hian Intensified IEC Campaign hi September ni 12 – 27, 2024 chhung kalpui tura ruahman a ni a. Hemi chhung hian zirna in hrang hrangah placard making competition, debate competition, photobooth competition, musical drama competition leh inzirtirna stall hrangte buatsaih tura ruahman niin, September ni 27, 2024 khian Govt J. Buana College-ah Campaign kharna leh lawmman semna buatsaih tura ruahman a ni bawk.
Health minister-in HIV leh STI do beihpui thlakna tur hawng
