Daily Newspaper

Health minister-in ZMC lab tan ei tur pe

13

Health & Family Welfare minister Dr R. Lalthangliana chuan Inrinni khan ZMC Covid-19 labaratory-a sample test hna thawktute hnenah thei leh eitur dang a pe.

Health minister hian lakhuihthei, thingfanghma, apple, valencia, Dragonfruit, balhla, cake leh Frooti engemawzat a hlan a. Covid-19 leng mek karah ZMC laboratory-a hnathawkten chhunzan zawma rim taka swab sample test hna an thawk chu an chhuanawm a tih thu a sawi. ZMC laboratory-a thawkte inpekna hian hrileng karah hmuh theihin ‘Zonun zemawi’ a parchhuah tir, tiin, hetiang bawk hian sample lakhawmtute leh contact tracing team-te thawhrimna leh inpekna a hlu a tih thu leh, tlawmngaihna thinlung pu chung lo chuan mi nazawng tan tlin chi nia a lan loh thu a sawi.

Swab sample lak tawh, test result chhuak mai theilo, hun engemawchen nghah ngai thinte chu lo hrethiam hram hram turin Health minister hian a ngen a. “Swab sample lak tur a tam a, thawktute an indaih loin chhunzan zawmin an thawk char char reng a, theihtawp an chhuah takmeuh a ni tih i hrethiam hram hram ang u,” a ti. Ni reilote chhungin lakkhawm sa (backlog) zawng zawng chu test zawh an inbeisei tawh tih a sawi a ni.

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy