Daily Newspaper

Health secretary-in hri a kai; Secretariat-ah mi dang luh phal lo

34

Mizoram health secretary H Lalengmawia’n Covid-19 hri a kai a, he hri lanchhuahna natna erawh a nei lo.

Thawhtanni tlaiah khan health secretary personal branch-a mite’n remchang chuhin, fimkhur thu-ah sample lak an rawt a, a tuka resulht hriatah an pu hi a positive tih hriatchhuah a ni.

Secretary Engmawia chuan insawiselna a neih loh thu leh inrinhlelhna pawh a neih loh thu a sawi a, hri a kai tih hriatchhuah a nih hnuah pawh he natna lanchhuah dan natna amah engmah a awm chuang lo tih a sawi.

Rapid Antigen Test hmangin chawlhkar liam ta mai khan a in-test thu leh a negative thu a sawi bawk.

“Vei ve tur pawh kan ni a, a thawktute zinga mi kan ni a, thil mak a ni lo,” a ti a, “Pathian remruat a ni ang, a veite dinhmun kan hriatthiam phah te pawh ka beisei,” a ti bawk.

Amah nena tun hnaia inhnaiha awmte zawn hna thawh nghal a ni a, Thawhlehni khan sample te pawh lak a ni. Chief secretary pawh a sample lak a ni tih thu dawn a ni. Health minister pawh sample lak nghal tur zingah a lang a, ani hi chu Thawhlehni-ah minister leh MLA-te sample lak tur tih a ni sa thung.

Health secretary leh secretary dang te, minister zawng zawngte thutna secretariat chu Thawhlehni khan pawn lam mi tan luh phal a ni lo a, office dawr duhte pawhin kawngkapui atanga an dawr a ngai.

Secretariat hi Thawhlehni khan tihfai a ni a, a hma pawhin disinfectant hmangtea tihfai thin a ni ve reng reng tih thu dawn a ni.

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy