NBA lama bazar inhawng mekah Miami Heat in player langsar an la lut a, MVP vawi hnih ni tawh Giannis Antetokounmpo chu Milwaukee Bucks atangin an la lut.
Player langsar Antetokounmpo hian kum 2013 khan Milwaukee Bucks a zawm a, club dangah chhuak lovin a la awm ngar ngar. Season liam ta khan hliamin a tihbuai vangin a khel tha tawk lova, sawisel a hlawh. Sawisel a hlawh bakah Bucks ah a lo awm rei ve ta bawk nen chona thar hmachhawn a duh a, Miami Heat a zawm zui ta a ni.
Heat hian Bucks atangin Antetokounmpo leh Bobby Portis te an la lut a. Hetihlai hian Tyler Herro, Kel’el Ware, Jaime Jaquez Jr. leh Kasparas Jakucionis ten Bucks an pan ve dawn thung. Antetokounmpo hi Boston Celtics nen pawh sawi zawm an ni reng a. Celtics hian tu nge an lak luh tak ang tih a chiang ta lo hle.
Heat president Pat Riley chuan an club chanchina player an lak luh lian leh ropui ber zing a mi a nih thu a sawi a. Kum 2006, 2012 leh 2013-ahte NBA champion ni a, tum hnih ngawt MVP lo ni tawh Antetokounmpo an la lut thei chu an lawm tak zet tih a sawi a, seaso tharah an chet that an beisei viau bawk.
Heat in Antetokounmpo an la lut
