April ni 1, 2025 atanga hman tan Mizoram Universal Healthcare Scheme chu, hman a nih hma hauh leh hman a nih hnuah pawh sawiselna thawmin a umzui ngar ngar a tih theih awm e.
Nimin khan Mizo Hnam Run chhung inkhawmnaah MNF senior vice president Dr. R.Lalthangliana, health minister hlui ni bawk chuan MHUCS chungchang a sawi a. ZPM sorkarin MUHCS a duan lai hian private hospital leh FMGE&W te rawnin fel fai tak leh huam zau taka system hi siam ni se, heng kan private hospital leh FMGE&W hian zawm pawh an hreh lo ang, a ti.
Hetih rual hian MUHCS hnuaiah hian, Mizoram sorkar hospital hrang hrang (Govt. Hospital) te hian damlo an enkawlte hnen atangin, damlo inenkawlna an bill dawn tihna a ni a, chuvangin kan Govt. Hospital zawng zawng hi PAYING HOSPITAL-ah an siam dawn tihna a ni a. Sorkar hospital-a damlo inenkawlnate Healthcare Bill atanga an re-imburse te hi eng atana hman tur nge, damdawi ina thawk doctor leh staff zawng zawngte hlawh sawrkarin a pe bawk si. ZPM sawrkar hian mipui damlohna hi sum hmuh nan hman a lo tum reng tihna a lo ni mai lo maw? tiin zawhna a siam a.
Hei bakah hian, MUHCS hi package a nih avangin Rs 5,00,000.00 thleng damloin a bill theih tih chu a ni dawn lo a ni, a ti bawk.
Khai le, MNF Sr. Vice President hian sawrkarin mipui hnena a sawifiah atana tul tak tak point engemawzat a sawi chhuak a. Tun tumah hi chuan, a chunga point pahnih – mipui damlohna hi sum hmuh nan sawrkarin hman a lo tum reng em? tih leh, MUHCS hi package a nih avangin Rs 5,00,000.00 hu hi damlo ten an bill thei dawn lo, tih hi sawifiah ngai tak, thil serious deuh mai a ni.
Perfect hi tum lo ila, a tul a nih chuan ‘adjustable wrench’ nih hi i hreh lo ang u. Sawrkar pawhin siam that ngai a awm a nih chuan siam that hreh lo se, mahni diklohna pawm ngama tih dik ngamna huaisenna hi, kan ram hian a mamawh niin a lang.
Hei le, sawrkar sawifiah tur chu…
