Hel pawlin Pakistan sipai sawm chuang tihlum
Zirtawpni khan Afghan ramri bula Pakistan check post siam chu hel pawlin beiin, sipai sawm an boral thu Pakistan chuan a sawi.
He thil hi Pakistan a hel pawl awmte chuan an tih niin an sawi a, an bial chhungah chuan hnehna an chan zel dawn thu an sawi zui.
Afghan ramriah hian hmun hrang hrangah Pakistan hian check post siamin, sipai 20 atang 25 te a tul dan a zirin a dah thin a, boruak ralmuang tak an nei thin a ni.
Tuna pawikhawihna thleng hi Pakistan ram chhunga inkulh hel pawl lar tak Tehreek-e-Taliban Pakistan (TTP) chuan an tih nia sawiin, sipai hmun siamte chu beih zel an la tum nia hriat a ni.
Kum 2021 atanga Taliban in Afghanistan a sorkar na an chelh leh hnu khan an chetna hi a rawva chho leh tial tial a, dan kherkhiap tak tak siam chhoin, an thenawm ramte thlengin an hnawkchho nia sawi a ni bawk.
Hel pawlin Pakistan sipai sawm chuang tihlum
