Tunhnai khan Champhai Police-te chuan Heroin 2.853 Kg (hawng 249) an man a. Heroin hlutzawng hi international market rate chuan cheng vaibelchhe 14 hu anga chhut a ni. Chumi awmzia chu, Hawng khat (Gram 11.45) hi cheng nuai 5.6 hu niin Gram 1 man chu cheng sing 4.8 hu tihna a ni.
Hetia han phelsawm hian heroin buaipui hlawkzia a lang chiang thei deuh awm e. Gram khat hi chu rawmawl karah pawh awlsam takin a hum bo theih dawn tihna a ni a, khaw lum lai phei chuan zalen takin rawmawl karah Gram 3/4 te chu ualau takin a hum reng theih dawn tihna a ni. Bazar leh puipunna hmunah pawh ualau takin heroin zuartute chuan nuai hnih thum man chu kal pahin an an hum bo vel mai mai dawn tihna a ni ber ang chu.
Mizoramah hian englai pawha heroin tam tham tak tak man tur a awm reng theih chuan, manchhuah lohva relh bo hi manchhuah let tam tak a awm ngeiin a rinawm a. Hei hi kan dinhmun a nih miau tawh chuan, tualchhunga manchhuah tuma lo chan ringawtah hian kan innghat ang tih a hlauhawm hle a. Ram dang atanga lo lut a nih avangin, a lo luhna Khanpui lam lo dan chah tuma hmalakna hi awmze nei deuhva kalpui a hun takzet tawh. Tuna heroin manchhuah reng reng hi chu Mizoram chhungril a lo luh tawh hnuah a ni deuh zel a. ‘Ramri kân tum heroin smuggler chuti zat chu ramri-ah man niin an kut atangin heroin chuti zat chu man a ni’ tih te hi chanchinthar lamah hriattur awm ve zut tawh se, heti em em hi chuan kan state chhungah hian heroin hi a ngampa bikin a rinawm loh a ni.
Kan khawlaiah hian heroin hi a tlangnel tawh hle tih a hriat theihna chu, kumtling lo ruihhlo tih ching an pun chhoh tak zel dan atang hian a ni. Thawkkhat lai khan tlangkam titi pakhatah chuan, ‘heroin zuartute hian thalaite hi tlawmte tein heroin an leitir a, an addict tir hnuah a man an tipung leh thin’ tih a awm nghe nghe a ni.
Heroin-in kan ram a tuam hneh tawhzia hi hetia sawi mai ai hian a nasa tawh; hei hi sawrkar mai pawh ni lo, mi tin hian kan ram eichhe mektu a nih avangin mutmawh hnarmawha kan neih tlan hi a hun takzet tawh a ni.
Heroin bawk hi…
