Ni hnih chhungin Excise & Narcotics Department (END) chuan Myanmar atanga Mizoram kaltlanga tawlh tum nia hriat heroin kg.2 & gram 691 (hawng 235) an man a, ND&PS Act hnuaiah thubuai ziahluh a ni.
END leh Central Anti Drugs Squad thawkdun chuan July 7 zan dar 6.35 khan Bawngkawn Thlanmual Vengah heroin gram 56 (hawng 5) leh a neitu nia puh mi pahnih – Lalremruati (26) leh Chiansianzamang (54) Bawngkawn (Khuangchera Section) a khawsa ve ve nia inchhalte an man.
July 8 zing dar 1.30 khan Excise & Narcotics Department chuan Selesih (TMEF Camping Centre bul) ah heroin kg.2 & gram 635 (hawng 230) leh a neitu nia puh mi 7 – H Thangngaihliana (49) Vapar Champhai district, Kausar Alom Laskar (24) Sonai Assam, Jaidul Hussain Laskar (20) Loknathur Assam, Abdul Rahim Laskar (25) Bawngkawn Section B bakah Silchar Assam mi pathum – Ajmal Hussain Laskar (21), Hamidul Hoque Barbhuiya (30) leh Jakir Hussain Laskar (20) nia inchhalte an man a. Heroin phurhna atana an hman Bolero Camper MZ01 R 7137 pawh hren a ni.
Heroin kg.2 chuang man
