Heroin leh meth man
Mizoram Police leh Directorate of Revenue Intelligence Aizawl chuan heroin leh methamphetamine an man.
October 19 tlai dar 5.00 vel khan Vairengte Police chuan Vairengte Police check gate-ah Kolasib atanga Silchar lam pan lirthei, Maruti A-Star MZ05 A 0712 atangin heroin gram 239.18 (hawng 20) a rit an man a. Lirtheiah hian Khundra Pam (55), Kolasib Venglai nia inchhal leh Lalchhanchuaha (38) Kolasib Venglai East nia inchhal an chuang a, lirthei endik a nih lai hian lirthei neitu leh khalhtu Khundra Pam hi chin hriatlohin a tlanbo hman tih sawi a ni.
Directorate of Revenue Intelligence (DRI) Aizawl chuan October 17 khan Tuirialah Mahindra Scorpio atangin methamphetamine kg. 13.62 an man a, hemi kaihhnawihah hian mi pahnih manin ND&PS Act 1985 hnuaiah thubuai siamsak an ni. DRI Aizawl hian kumin chhungin methamphetamine kg. 25.1 leh heroin kg. 6.7 an man tawh niin an insawi a, hemi kaihhnawihah hian mi 14 an man tawh tih an sawi bawk.
Heroin leh meth man
