Heroin tawlha puh bail-a chhuah thu hre lo
Tunhnaia heroin hawng 400 chuang tawlhnaa mante chu police-in an la chhui zui a, a mawhphurtu ber nia sawi bail-a chhuak ni anga sawi chu, chutiang an hriat loh thu police chuan an sawi.
Mizoram Police-in thuchhuah a lo siam tawh angin, 2025 March 13 zan khan heroin tawlhruk an man a, heta an heroin man hi hawng 440 (kg. 4.722) a ni. Heta a mawhphurtu mi 6 an man hnu ah Aizawl lama lo dawngsawngtu tur mi pahnih an man leh a ni. Aizawla lo dawngsawngtu tur an man zingah hian sumdawnna lama hlawhtling chho mek nia sawi Henry Lalbiakzinga (34) Dinthar Aizawl a tel a, a ni hi meizanghlaptu ber nia ngaihna a lian hle a ni.
Tunhnaiah bail-a chhuak ni awma sawi a awm chu The Aizawl Post-in a zawhchiannaah police lam chuan bail-a a chhuah thu an hre loa, Henry-a te in atanga heroin hawng 40 an man anga sawi rik thin pawh, an ni lam chuan Zokhawthar bula an manah hian hawng 440 hi an man nghal tih an sawi a ni.
He thila mipui laka zep ruk nei ni awma sawi chungchangah, March 13 zanah Zokhawthar bula heroin phurtu nia ngaihte an man a, Aizawla a lo dawngsawngtu turte an man hi March 15 zan a ni. State pawn lam thleng pawha la chhui zui tur awm nia an hriat avangin tih tlangthan a ni mai lo chauh zawk a, chhuizui pawh a ni reng bawk tih an sawi a ni.
Heroin tawlha puh bail-a chhuah thu hre lo
