uly thlaah Mizotaxi app hman tan tur a ni a, hmang an la tlem rih. He app hmang tura tihte’n High Court-a khin an tum a, Inrinni khan an rel.
“Tahrik ni 4.7.2026 (Inrinni) dar 3 PM-a Mizoram Taxi Association (MTA), Aizawl Two Wheeler Taxi Association (ATTA) leh Aizawl District Auto Rickshaw Owners Association (ADAROA) hruaitute joint meeting chuan Mizotaxi application chu High Court-ah khin ni se kan ti,” tiin July ni 4 khan an puang.
State Transport Authority (STA) thuin Aizawl khawpuia four wheeler taxi, two wheeler taxi leh autorickhaw te chu Mizotaxi app hi hmang tura tih an ni a, mahse anni hian hman an duh rih lo.
Thu dawn danin, Mizotaxi passenger app download leh inziak lut hi mi 17,179 an awm tawh a, taxi-pu mi 983 an inziak lut tawh. Taxi hmang duhte pawhin a khalhtute’n an la hman ve loh avangin he app hi an hmang hlei thei rih lo.
Driver registration ti an la tlem avang leh a ti tawhteah pawh online an la tam loh avangin he app hmang duhtu mipuite’n an la hmang tak tak thei lo a, hei vang hian app hmanga taxi koh (book) hnua cancel leh pawh a tam tih thu dawn a ni.
STA lam chuan he app hman kawnga harsatna tawk passenger-te leh driver-te tan Mizotaxi command and control centra a phone theih reng tih an sawi.
High Court-ah Mizotaxi khin tum
