Daily Newspaper

High Court-in Khurshid lehkhabu khap duh lo

24

Delhi High Court chuan Congress leader Salman Khurshid lehkhabu thar ‘Sunrise Over Ayodhya: Nationhood In Our Times’ tih semchhuah, hralh leh lei khap tura ngenna chu a hnawl a. He lekhabu-ah hian ‘Hindutva’ chu radical terrorist group heng ISIS leh Boko Haram te nen a khaikhin a ni.

Justice Yashwant Verma chuan, “Mipui tena an duh chuan eng nge tih theih kan neih. A bu chhunga duh loh lai an neih leh an chhiar kan mai ang a, chapter pum pawh an chhiar kan thei a. Na an ti a nih chuan an mit an chhinsan daih thei bawk ang chu,” tiin a sawi.

Advocate Vineet Jindal chuan he lehkhabu hi ‘mite tithinrim thei a nih mai bakah Hindu sakhua zuitute rilru nasa taka hliam thei a ni’ tiin High Court-ah a khing a ni.

“A ziaktu ngaihdan in tawm loh chuan chhiar lo mai rawh u. Midang te he lehkhabu lei lo tur leh chhiar lo turin ngen mai ula. Mipuite hnenah he lehkhabu ziaktu hi a tha lo, thil dang chhiar zawk rawh u ti mai rawh u,” tiin Justice Verma chuan public interest petition chu a hnawlsak a ni.

Petition a thehluhah Jindal chuan he lehkhabu a paragraph sawi hlawh tak ‘Sanatan dharma leh classical Hinduism mifing leh puithiam tena an hriat chu Hindutva version chak takin a nawr sawn mek a, hei hi jihadist Islam group ISIS leh Boko Haram te political version nena inang tak a ni’ tih chu a tarlang tel a ni.

Jindal chuan court hnenah Khurshid chu MP a ni a, Law Minister hlui a ni bawk a, mi pangngai chunglam niin mipui nawlpui rilru sukthlek kaiher thei a ni, a ti a. “Hindu community te laka lungawi lo leh kan ram leh public order security, remna leh muanna leh inlungrualna ti chhe thei a ni,” tiin a sawi bawk.

Jindal chuan freedom of expression chu chintawk nei lo a nih loh thu sawiin special duty leh mawhphurhna te keng tel a ni, a ti bawk.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy