High heels a hrisel lo!
Stilettos inches ruk vel zeta sang nena han kal dir deuh ai ai mai hi fashion conscious nula ten nalh an ti riau, peep-toe emaw buckled emaw pawh nise high heels hi fashion favourite accessory a ni tlat. Mahse, kan taksa hriselna atan a tha mang hauh lo nia!
Doctor tam takin pheikhawk keartui sang that loh thu an sawi fo tawh a, a bik takin naupai laia bun a tha lo lehzual niin an sawi. Pheikhawk keartui sang chuan hnungzang na, ke zungpui na leh keartui na te a siam thei a, chu bakah nerve na te pawh a siam thei niin an sawi.
Kan taksa rihna zawng zawng hi kan kephahin a lo do let a, high heels kan bun phei chuan kan taksa gravity chu hmalamah a innawr khawm, chuvang chuan kan kûn deuh a, kan kawngin a tuar leh bawk. Chu chuan kan hnungzang ruh position a tidanglam a, hnungzang ruhin nerve a nek nasa a, hnungzang na kan neih phah ta niin orthopadic and joint replacement surgeon Dr Siddhart Yadav chuan an sawi.
Doctor chuan a chang changa high heels bun ve zeuh zeuh chuan pawi a sawi tham lem lo niin a sawi a, mahse, regular taka bun erawhin pawisawi a sawi thui hle niin a sawi, “Kaihza, khup leh kawng a kan ruh inzawmna te an tuar nasa hle a ni,” a ti.
Dr Jashan Vishwanath chuan, “A rei hnuah mal tihrawl na a siam a, inhliam pawh a awlsam bik a ni. High heels chuan kan taksa hmalamah a tih awn deuh tlat avangin hnungzang tan excess pressure a siam a, kan khup a pressure pawh 26% laiin a ti tam thei a, chu chuan osteoarthritis te pawh a thlen thei a ni,” a ti.
A nih leh regular taka bun atan eng chin nge him. Doctor te chuan pheikhawk keartui 1-1.5 inch te chu nitina bun atana him tawk niin an sawi.
High heels a hrisel lo!
![](https://theaizawlpost.org/wp-content/uploads/1-232.jpg)