Educational and Vocational Guidance & Counselling Cell SCERT chuan a tum 5-na atan December 12 &13 chhung khan SCERT building-ah Career Exhibition a buatsaih.
Career exhibition-in a tum ber chu, naupangte hmalam hun, an zir zelna atana thil tul (information) pawimawh anmahni ngeiin zawng a, haichhuak thei tura fuiha, phurna pek a ni. A chhimtu zirlaite pawh heng exhibition hmang hian an career tur thlan kawnga thutlukna dik siam thei turin a pui thei dawn a ni.
Exhibition hi stream 4-ah thenin, stream pakhatah hian school pahnih zel an tel a. Stream tinah stall pali aia tlem lo siam niin, a vaiin stall 35 a awm. He exhibition-a tel school atangin zirlai engemawzatin an chhim a ni.
Exhibition-a telte tan hian lawmman siam a ni a, stream tin atangin pakhatna leh pahnihna, stream tin atangin Best Display, Best Exhibitor pek an ni.
Arts stream-ah 1-na Govt. Aizawl North High School, 2-na Govt. Comprehensive Model School. Science stream-ah 1-na Govt. Hrangchhuana High School, 2-na Govt. Bethlehem Vengthlang High School. Commerce stream-ah 1-na Govt. Pianghleia High School, 2-na Govt. Tinzagina High School. Vocational stream-ah 1-na Govt. KVM High School, 2-na Govt. Durtlang High School.
Best exhibitor thlan a ni a. Arts stream-ah Zothankimi, Govt. Comprehensive Model School; Science stream-ah C Lalchhanhimi, Govt. Bethlehem Vengthlang H/S; Commerce stream-ah Lalthanzuala, Govt. Tinzagina H/S; Vocational stream-ah J Lalhmangaihsanga, Govt. KVM H/S te an ni.
Best display thlan a ni bawk a. Arts stream-ah Govt. Aizawl North H/S; Science stream-ah Govt. Hrangchhuana H/S; Commerce stream-ah Govt. Pianghleia H/S; Vocational stream-ah Govt Durtlang H/S.
High school tan career exhibition
