Hillary-i’n university a tlawh laia buaina siamtu mi pali man
Ningani khan South Belfast-a university road area-ah Palestinian thlawptuten nawrh huaihawtin, mi pali chu police ten an man thu an sawi.
He thil hi US secretary of state hlui Hillary Clinton-i’n Queen’s University, Belfast a tlawh laia thleng niin, Clinton hi september 2021 khan university chancellor atan hian lakluh a lo ni tawh a ni.
University chuan nawrh huaihawttute thiltih chu a lungawihthlak loh hle nia sawiin, an chet dan an dem thu an sawi a, nawrh huaihawttu thenkhat phei chuan Hillary Clinton-i thlak lian taka siamin, a kuta thisen kai hnuangin an lantir a ni.
University in programme pawimawh an hmannaah hian mi pawimawh tak tak telin first leh deputy first minister, secretary of state Hilary Benn leh US special envoy Joe Kennedy te pawh an tel.
Thuneitute chuan Palestine thlawptute thiltih dan chu en liam mai chi a ni lo nia sawiin, an duh chuan an tan lam tih lan theihna chu an nei ngei, mah se an tih hun leh an lantir dan erawh ngaihzam chi a ni lo, an ti a. Mi pali an man bakah, a hnarkaitu dang an awm leh awm loh an chhuizui mek thu an sawi.
Hillary-i’n university a tlawh laia buaina siamtu mi pali man
