Himachal Pradesh politics buai kal mekah Congress MLA paruk te RAJYA Sabha MP thlannaa an party ni lo BJP candidate vote tute chu February 29 khan Himachal Pradesh Assembly member an nihna hlihsak an ni.
Assembly Speaker Kuldeep Pathania chuan Congress MLA paruk- Rajinder Rana, Sudhir Sharma, Inder Dutt Lakhanpal, Ravi Thakur, Chaitanya Sharma leh Kutlehar MLA Davinder Bhutto te chuan party whip kalha an chet avangin anti-defection law hman theihna a ni a ti a.
“Member paruk te chuan party in whip a tichhuak chungin party whip pawisa lovin chet an la a ni. Chu chuan anti-defection law provision a kalh emaw kalh lo emaw thutlukna siam turin point min pe a ni. Member te hi Assembly-ah an awm a, mahse, cut motion leh demands te vote lak dawnin House chhungah an awm lo. February 28 khan Finance Bill pharh a nih lai pawhin House-ah an awm lo. Hei hian party whip an pawisa lo tih a pho langa chuvang chuan anti-defection law provision an lakah hman theih a ni” tiin a sawi.
Congress MLA paruk te chu disqualify an nih thu sawiin Pathania chuan, “Congress MLA paruk te hi tun atangin Himachal Pradesh State Legislative Assembly member an ni tawh lo,” tiin a sawi zui bawk.
Congress MLA paruk te hian tun hnaia Rajya Sabha election neihah BBJP candidate an vote a. Himachal Pradesh politics buai chu February 27 khan intanin Congress candidate Abhishek Singhvi chuan BJP candidate Harsh Mahajan chu Congress MLA paruk te cross-voting vangin a hneh lo a ni.
Himachal Pradesh COngress MLA paruk cross-voting kalpui tute MLA atangin ban
![](https://theaizawlpost.org/wp-content/uploads/Clipboard01-102.jpg)