Daily Newspaper

Himanta chetdan hian BJP hruaitu rilru a tithlep – Hmangaiha

8

Tunhnaia Assam chief minister Himanta Biswa Sarma chetdan uchuak tak chuan BJP hruaitu lawkte rilru a ti thlep hle niin People’s Conference party president Lalhmangaiha Sailo chuan a sawi.

PC president hian thuchah a siam a. 2021 July 26-a Assam police-ten Mizoram leilung hnehchhuh sak tuma rawva taka an rawn chetna tudaitu, Mizoram Police leh Vairengte mipuite chungah lawmthu a sawi. ‘Mizoram run tura lo lut Assam police-te thlah zalentu CRPF te a dem thu sawiin, Mizoram venghim tura dah zui ngam chi ah a ngai tawh lo tih a sawi. ‘Mizoram police dah ni zawk se, police kan indaihlo deuh kan ti a nih pawhin, Mizo thalai rual lak thar nise ka duh hle a ni,” a ti.

Assam chief minister-in dawt leh sual tinrenga Mizote a puhna leh a hekna ten central ngeng a chhun tlang zo tak tak lo niin Lalhmangaiha Sailo hian a sawi a. Tunhnaia Himanta Biswa Sarma chetdan uchuak tak chuan BJP hruaitu lawkte rilru pawh a tithlep hle niin a sawi.

Mizoram sawrkarin Assam nena kan kar thu-ah remna zawnga hmalakna a kalpui mek hlawhtling taka hlenchhuah a nih theih nan mipuite thuawih leh dawhthei taka lo ngaihchang turin ka ngen a. Ramri chungchang ngaihtuah tura Boundary Committee hmalakna ngaichang chung a, party tin ten thukhat neia hmalakna kan kalpui theih nan party hruaitute pawh national media-te hmaah mimal duhdan leh ngaihdan vawrh chiam lo turin ka ngen a ni,’ a ti.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy