Daily Newspaper

Hindi zirtirtu ban tawhte lak leh vek phut

42

Education Department-in CSS hnuaia Hindi zirtirtu 665 tana hnalak tura advertisement a chhuah chu lawmawm a tih thu Congress party chuan a sawi a. Chutih rualin, CSS Hindi zirtirtu 1305 te MNF hotuten 2018 MLA inthlan dawna an intiam angin, mi 665 chauh la loa an vaia la leh vek turin Mizoram sawrkar a phut tih a sawi.

MPCC thuchhuak chuan, ‘2017 February 23-a khatihlaia MNF vice president Dr. R. Lalthangliana’n chanchinbumite a kawmnaah – CSS hnuaia rawih reng reng sawrkar laipuiin an rawih hun chhung chu hlawh an tumsak tur a ni a, chumi ral hnuah chuan state sawrkarin budget atangin a rawih chhunzawm tur a ni – tiin a sawi a. MNF a sawrkar hunah CSS hnuaia Hindi zirtirtu 1305 te an lak tur thu a sawi a. He thu vek hi MLA Pu Lalruatkima chuan Assembly House-ah 2017 March 29 khan alo sawi tawh bawk,’ a ti a. ‘2017 March 1-a MNF Hqrs-in thuchhuah a siamah CSS Hindi ziritrtu 1305 te an lainat thu sawiin, CM hian MNF president Pu Zoramthanga hi a nihna kian ngamin Education minister hian MNF vice president Dr R. Lalthangliana hi a nihna kian ngam bawk se, thla 6 ralhmain CSS Hindi zirtirtute harsatna hi an chinfel sak ngei ang, tiin a tarlang,’ a ti bawk.

MNF Hqrs. in CSS Hindi zirtirtu thlavang hauhna thu a chhuah chu sawrkarna an chan hnuah pawh an hmakhua ngai a, ngaihsak chhunzawm zel turin MPCC chuan a beisei tih sawiin, ‘CSS Hindi zirtirtu 1305 te hi, MNF hruaituten 2018 MLA inthlan dawna an intiam anga, thlauh bik nei loa an lak vek theihna turin tuna advertisement chhuah tawh pawh cancel a, mi 1305 lakna tur advertisement chhuah tha leh turin kan phut a ni,’ a ti.

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy