Sawrkar hnathawkte hlawh pek hma zel chu an duh dan a nih rualin, sum dinhmun avangin an pe hma thei reng angem tih an sawi lawk thei bik lo tih chief minister Lalduhoma chuan a sawi.
Mizoram sawrkar hnuaia thawkte inzawmkhawmna – Federation of Mizoram Government Employee & Workers (FMGE&W) chuan Thawhlehni khan chief minister hi an hmu a. Sawrkarin hlawh a pek chhuah hma avangin lawmthu an sawi. Dearness allowance tih pun an dilna leh Ainawn Venga Govt. Mizoram Housing Society din tuma hma lak meknaa an harsatna pawh an thlen a ni.
Chief minister hian hlawh chu a hun taka pek zel an duh ber a, ni mah se, an pe reng thei angem tih an sawi lawk thei bik lo tih sawiin, “Sum dinhmun tha neih tumin theihtawp kan chhuah reng a ni,” a ti. Housing Complex an kalpui meka an harsatna chu a tul anga a lo bawhzui tur thu a hrilh a ni.
Hlawh inpek hma reng hi kan sawilawk thei bik lo – Chief minister
