Daily Newspaper

Hliam vanga buai-Eden Hazard

10

Chelsea leh Belgium tana khel tha thei tak Eden Hazard chu khawvel football club ropui leh hausa bera Real Madrid chuan kum 2019 khan £88m zet sengin an la lut a, aman hi £150m thlenga pung chho thei a ni bawk. Manto taka an lak luh Hazard hi a inhliam thei hle a, tun thleng chuan a man hi a la to fang fang hle.

Harzard hian chawlhkar khatah £400,000 zet a hlawh a., a hlawh tha thawkhat hle. Thla 18 vel chauh Santiago Bernabeu-ah hun a la hmang chauh tihah vawiriat ngawt a inhliam tawh a, chawhrualin hliamin a tibuai reng ang a ni. Hliam vanga match 35 zet a hmachhawn theih loh laiin Real tan hian vawi 28 chauh a la khel thung.

Real Madrid tan hian minute 1,859 chauh a la khel a, inkhel a hmachha minute tinah £63,900 hlawh zel ang a ni a. Match khatah £4.2m hlawh zel ang a ni a. A club thar tan hian goal thum thun tawh in, goal khat hi £39.6m man ang zel a ni. Assist vawikhat a neih hian £29.7m hlawh zel ang a ni bawk a. Tun thleng chuan Real Madrid tan hian player hautak, sum sen thlawnna a la ni zel rih.

Santiago Bernabue a pan hnua hliam nei thei tak Hazard hi a khelh chhunah chuan a khel tha phian zel a. Dam vervawra inkhel a hmachhawn theih hunah chuan Real Madrid player pawimawh tak a nih theih ngei a rinawm hle a. Chumi hun chu nghakhlel takin an thlir tlang a ni ber mai.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy