Khawvelah hian theihna danglam tak tak nei hi an tam khawp mai, chung zingah chuan New Orleans a cheng Jovante Carter, aka HolyGxD pawh hi a tel ve chiang. Guinness World Record a siam a, a record siam pawh a danglam khawp mai, a hmai a titawi thei!
Jovante hian a hmui hnuailamin a hnar a khuh bo vek thei a, hetiang hi a sap tawngin gurning an ni a, hetiang hian minute khat leh second 2 chhung a awm thei a ni. Jovante hian a signature trick hi Guinness World Records-i Italian TV series an kalpui Lo Show dei Record-ah a entir a, record a siam ta a ni.
Guinness World Records adjudicator Marco Frigatti chuan, “Hetiang trick ti tur hi chuan a thawk (breathe) theih loh a, thaw lo a awm chunga tihrawl tih tan a ngai a, a hahthlak khawp ang,” a ti.
Jovante Carter hian gurning tirei thei ber record a siam a, a hmaa hetiang record chu Chinese, Shuquan Tang-a’n 2012-a a siam niin, second 53 chhung gurning a ti thei a ni.
Jovante Carter chuan hetiang hmel-hmai tihdanglam theihna talent hi pawl thum a zirlaiin a nei tih a inhrechhuak tawh niin a sawi a, “Chaw chhun kan ei laiin ka classmate ten thil ka ei laiin ka hmai zawng zawng a bo vek niin an sawi a. Chaw tel lo a thil thial turin min ti a, engmah awm lo chu ka han thial chhin a, hetiang hi ka ti thei tih ka inhre ta a ni. Min nuihpui nasa hle a, kan zirtirtu pawh mak tiin a ka hau mai maw le,” a ti.
Hmai titawiin record siam
