Daily Newspaper

‘HMANGAIH HMASA BER (DI HLUI)’

27

Rohmingthanga Ralte
Assistant Professor
Dept.of Mizo, GANC

He hla te hi tun lai thalaite zingah a larin, han chikchet chuan ngaihthlak liam puat aiin, belhchian a lo d^wl f> mai! A hla thu leh a thl<k paw’n belhchian a d^wl hrep mai a. Mahse, a hla thl<k leh music lam chu han seprawtuia, kan sawi fiah ve thiam phak a nih loh avangin kan luhchilh lo ang. A technical zawnga hla thlirna kan ziah dawn avangin, sap tawng (English) kan hman tam a ngaia, chhiartute hriatthiamna kan dil hmasa e.

A hla thu leh technical, hla phuahtu themthiamna (artistic beauty) vel hi thiam ang tawkin kan han pet lawrin, kan han chip kual vel ang e. Tun lai hla tam takin sawisel a hlawh thin chhan pakhat chu, “Tun lai hla chu hla thu (poetic diction) pawh awm tawh mang lo, tawng tluang pangngai, thluk neia siama, sak chhuah m^i m^i a ni tawh” tih a ni thin. Ni e, Mizote hian hla thu atana hman bik tawngkam (poetic diction) tha t^k t^k kan nei nual a. He lam kawngah kher hi chuan tu hnam mah hi, engtik khawtikah mah kan awt bik kher lo ang?! Mahse, khawvel inher hian Wordsworth-a Lucy-i chauh a her pui bik lo e, an tih ang khan, kawng hrang hrangah hmasawnna leh inher danglamna, thil chin dan phung thar hi a awm ve teuh reng tih hi hre tel ta ila.

Kan Mizo hla lamah pawh, sapin ‘Popular culture’ an tih ang hnu hmaa ngaih ve theih, hmuh tur a awm ta zauh zauh a. Hla chu tute emaw phuah tura han dah ngawt bik tlat hunte, hla phuah thiam lar leh hmingthang tawh te’na, an phuah tur bik chauha dah leh ngaih hunte a bo tan at Tu khaw kha-ina an hriat ngai loh te’n hla tha t^k t^k an rawn phuah chhuah hunte a thleng ve zel dawn niin a lang a, hla tha t^k t^k pawh an phuah chhuah zel beisei ang!

He hla chang thum lekah hian hla thu tawng bik (poetic diction) ‘di, riang, chawi, biathu’ tih bak hi hmuh tur a awm vak lem lo a. Hlarua (poetic technique) metaphor, symbol leh simile te hmuh tur he hlaah hian a awm mang lo bawk a. Mahse, heng hlarua te hi a phuahtu hian hmang tam lo mah se, a hla ch^k (elements of poetry) hman chhun imagery (a hla ngaihthlak laia mitthlaa lo lang thin emaw hla phuahtu’n hla phuah laia a mitthla thil) hi a hmang thiamin a lang fiah fel fai hle. ‘|anga vak’ (kinesthetic) an tih ang chi, ngaihthlak laia m<r <r <rna te hi a thuk phum thiam riau a. Hengte hi hla timawitu leh tihlutu a ni chawk! Hla ch^k hrang hrang (elements of poetry – rhyme, alliteration etc.) tia an sawi, a hman ho hi ka vaibel tih tlukin a hmang thiam a. A hla thukphum (subject and philosophy)-ah a chianga; tin, a hla hian a huamzau (universal) tha hle (mi pahnih inkar atana phuah nimahse, in ngaihthlak lai chuan in lo tawn ve tawh ang a nih theih avangin, in tana phuah ang hiala ngaihna). Hla thu luang tha (rhythm) pawh changtinah hmuh tur a awm a. Tin, a hla inrem chhoh dan hi narrative structure (a bul atanga a tawp thlenga inlalawn tha taka rem) tha tak a tih theih bawk ang chu.

Hmangaihna hi khawvelin a pawm tlan theih ‘hrilhfiahna’ (definition) pakhat a awm lo a, a awm bawk ngai hek lo ang. A chungchang sawina pawh mi mal nun leh a tawngtu a zirin a inang lo nuai fo zel ang. Vankhama khan a hla ‘Hmangaihna’-ah khan, a hmangaih tana a inhuamna kha hetiang hian a sawi a.

Ka thai chang mah lo la, khiangawi mi tawnah,
Hmangaih lung i dum phawt chuan lawm zel ta’nge.

Zirsangzela pawh khan tihian a lo zaipui tawh a:

Ka hmangaihna avang che hian maw,

Hlimten i len chuan lawm zel ta’nge
a ti bawk a.

Lalhmingliana Saiawi chuan a essay-ah khan, “Hmangaihna chuan damchhung a daih dawn phawt chuan hmangaihna dik a ni mai awm e” tiin a sawi bawk a.

Kan mi hmasa, thu leh hla thiamte hian an rilru leh thinlung tak tak hi an sawi chhuak bik chiah em awt Siali khaw mawiah an ti mai mai zawk a ni mai lo’ng maw tih a awl khawp mai. An thinlung t^k t^k an sawi a nih chuan, an ‘thikthu a chhe awm lo mang e!t’ Pu Saiawia hian sawi fiah chiam a tum lem lo a. Ni, dam chhung hi thenkhat tan rei tak a ni thei a. thenkhat tan kum 10, 20 lek te a ni ve thei bawk a. Mahse, hun rei lote chhung pawh, inhmangaih thei ta lo, hmangaihna d^ia, tawp ta tlat niawm te hi a awm ve zel si. Kan lo inhmangaih chiah t^k t^k loh avanga hmangaihnate hi d^i ta mai thin a ni lo’ng mawt Hmangaihna pawm tlan theih hrilhfiahna a awm lo kan tih tawh tak kha! Aw, a khuhhawnna ang renga kan hla dah chhuahte hi kan la enlet leh ang.

Di tam neiin di tam then tawh mah la,
I thinlung neitu i nghilh bik lo’ng e.

He hla tlar hnih lek hi kan en chuan, a tlar hmasa zawk hi luck deuh tan chuan thudik awmsa (universal truth) a ni thei ngei ang. A rawn zawmtu tlar erawh hi beiseina tlem nen, mahni inhnem chawpna mai (consolation) a ni thei a. A thinlung nei mektu chu ‘a then tawh nge ni anga, a hmangaih thar leh tak hluai a chu’?
I hun hlui nun hlui nghilhin rei lote atan,
I pawm lai di nen hlim viau mah la.

Ri inrem, hla thu inlalawn tha (rhyme) mawi takin, tlar thumnaah a umzui leh a,
I hun hlui, nun hlui,
a sak leh a chhiar pawh a nuam a. A hla thu an inlaklawn that rual chiahin thumal ri inzul (alliteration) tha tak a ni tel bawk a. Rhyme scheme neia phuah ni lo mah se, theih ang tawka thu lam ri inzul, zawn leh chuktuah khawm hram hi hla hausakna pakhat a niin, hla phuahtu themthiamna (artistic beauty) lanna pawh a ni thin. A hma lama kan mi hmingthangte hla kan tarlan kha, he t’lai tlar lina thleng hi chuan a hnaih ve thuak thuak hle. Mahse, a hla tlar ngana atang erawh chuan, elsenna/tihelna (epigram, satire) mawi lutukin a rawn sawt zui ta a.

Hun lo her zelin riangin awm la.
Hun inher zelin a luck-na zawng zawng kha her bopui se, di tam neia, di tam then tawh thin kha, ‘riang’ taka awm turin a duh ta mauh mai si. Mahse, chu chuan chhan a nei a. Eng dang ni lo in, a hnenah, a lamah, a kir leh theih nan a ni. Hmangaih hmasa ber lo chuan an hnem zo tak takin a ring si lo. Mi dangte dah hniam chuang si lo in, a hmangaih tan a hlutna leh a hmangaihna nasatzia chu uar takin (hyperbole) an chham zui leh a.

Tah chuan tudang reng i ngai lo, tuma’n an hnem zo lo’ng che
Aw ka thian i hmangaih hmasa ber lo chuan.

Sapho in, “hmangaih hmasa ber a thi ngai lo” an tih ang deuhin. Tu a te tan pawh hian hmangaih hmasak ber te hi chu an lo danglam deuh a ni ang e!

Di zawng zingah aw a hmasa ber chuan,
Thinlung an luah an ral ve ngai lo;
Kum sang tam damin di sang tam pawh nei mah la,
A chhing zo tu reng i tawng lo’ng e.

A chunga kan tarlan tlarah khian ‘sawi uarna’(hyperbole) mawi >m >m mai a rawn hmang leh a. Hyperbole chu rhyme inchawih takin a umzui a. Kum sang tam damin di sang tam pawh nei mah la. He lai tlarah hian sawi uarna (hyperbole), elsenna (epigram), tihelna (satire, sarcasm) leh thumal ri inzul (alliteration) a awm kim vek thei nia! Elsenna leh tihelna hla thu mawi em em mai pakhat chu Lallianmawia Pachuau khan, thiam takin a lo hmang tawh thin a.

A ngur nun val chu nem te’n va pawm rawh,
Nang leh i chunnu duhaisam chu.
Keini zawng rairah kan riang lua a ni.
Lianchhung maw lo zuk ni che u a.

Lianchhung, chhungkaw hausa leh mi liante chu dah chungnung awm anga lang siin, “lo zuk ni che u a” a tih hian, a rilru tak tak chuan a dah chungnun bik lohzia a tilang a. He lai Lallianmawia thuchheh hian literature ropuina a rawn tarlang nalh viau bawk. Grammar sikula exam zawhna chhang ni ta se, a fail dur ngei ang le! Chung si-ar khi ka zuk thlir a, tih ang maia, dik thei lo a ni tlat si a. Mahse, literature-ah chuan thu inkalh, mak si, dik thei bawk si (paradox) a ni tlat mai si. Khi ta Vankhama’n ka thai chang mah lo la an tih zeuh te nen khian literature danglamna chu dikna aia mawinaa thuam a nihna a lang chiang teh a sin!

Tichuan, kum sang tam leh di sang tam hi khawvela dam rei leh luck ber tan pawh a neih hman a ni lo ang! Lallianmawia, “lianchhung maw lo zuk ni che u a” a tih hnuah khan, he hla tlar “kum sang tam damin di sang tam pawh nei mah la” tih hi epigram, hyperbole, satire, hla tlar khata awmkim ka hmuh lehah chuan a mawi ka tih leh ber pawl a ni awm e a! Kawn khata liam za tlak an ni.
He thinlung mawl hian a chawi liantu auin,

Tu dang reng a ngai lo, tuman an hnem zo si lo,
Aw ka thian a hmangaih hmasa ber lo chuan.

A hmangaih hmasa ber lo kha chuan ani chu a hnem zo tak tak si lo. He thinlung mawl hian a chawi liantu auin, he lai tlarah hian, pangpar huana pangpar v<aia <ai selh tawh. A enkawltu tui pek nghaka an ch<l riai lai i mitthla ve thiam em?

Aw di hlui aw bul min tan puitu,
I zunzam hi angchhia nge mangchhiat
I biathu min hlan kha a hming dawt maw lo ni,
Ka thinlung lah chu i luah khat reng si.

Di zun ngaih hi, a n^ a ni ang e. Thangzawra pawh kha, artui chhungmu pawh sehkeh thei lo khawpin in a z^wr hn^p mai a nih kha maw! A chang tawpnaah hian Epigram leh Paradox a rawn hmang thiam leh hle. Chang khatnaa internal rhyme a neih kha a chang tawp ber thlengin mawi takin a rawn la inban kherh chi^i a. I zunzam hi anchhia nge mangchhia? He zawhna, chhan ngai lo (rhetorical question) hi a mawiin, a thu chheh dan pawh hi nalh ve vaw tak a ni.

I biahthu min hlan kha a hming ‘dawt’ maw lo nit thennna biathu a nih a sawi lo a. He lai epigram hian paradox a keng tel leh a tih theih bawk ang. Biathu chu a tha lam turah ngai ta ila. Mahse, dawt a ti miau mai si, a inkalh leh ta, mahse a dik leh thei tlat bawk si a.

Mittui lo hian maw ka tap leh thin,
A tawp nan ka hmangaihna sang ber huatna nen ka hlan a che,
Duhsakna der hlim reng ang che aw di hlui.

Mi tam zawk hi chu an tah chuan an mittui a tla ngei thin a ni si a. Mittui lo hian maw ka tap leh thin. Parodox mawi tak hi, chikchetin a dik thei a. A dik theih lohna lai pawh a awm leh a. Mittui nen loa tah chu, tah a ni thei dawn em nit Pathianin mihring a siam dan phungah kan tah chuan kan mittui hi a tla ngei tur a nih hmel sit Mahse, thinlunga tap thin an awm a lawm. Mipa tam tak hi mittui nen loa tap thin an awm fo ngei ang. Mittui zawng hmeichhiate hmanrua mai a ni si a. A phuahtu themthiamna (artistic beauty) kan tih kha kan la hmu ta zel a ni.

A tir lama kan hla tarlante nen kha chuan a inang lo ta viau mai! Lengzem hlaah hian a changtawp berah hian, hla phuahtute inhnemna (consolation) a awm fo a. Mahse, inthup buai si se ai chuan rilru dik tak phawrha, sai ng^l deng tliak thei khawp thu han phuhchhuaha, han sawtlet chu a duh zawk pawh a ni fahmiangt ‘Hmangaihna sang ber huatna nen ka hlan a che’.

Hmangaihna leh huatna chu thim leh eng anga thil inpersan a ni. Engtin nge hmangaihna sang ber karah chuan huatna a awm theih ang. Mahse, a awm thei tlat chu a nih hmel si a. A tawng tawh chuan sawi aia fiahin in hrethiam ngei ang chu. He paradox leh epigram pawh hi nalh tak a ni, nalh tak!

Duhsakna der, hlim reng ang che aw di hlui, a ti mah mah em aw tih tur nimahse, a thinlung leh rilru dik tak a nih chuan, dawt sawi ai chuan a tha zawk mai lo’m nit

He hla hian, thl<k nei ta lo pawh ni se, hla chham chi (free and blank verse) tha tak chu a tling pha tho ngei ang at Tin, Mizo lengzem hmasawnna thar pawh he hlaah hian kan hmu bawk awm e. A technical lama kan thlir avangin sap tawng kan rawlh tam lo thei lo a, chhiartu ten min lo hrethiamna dawn nia.

(THE AIZAWL POST – Article)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy