Daily Newspaper

Hmangaihna hlimawmna chhan

12

Tu emaw i duh deuh mai i tawng a, in inhmangaih ta a. Chutih laia i hlimdan kha i sawifiah thiam lovang. I lungphu a rang a, a kut a thlan a, i biang a sen deuh tan tan a. Chutiang bodychemistry te chu hmangaihna-ah i luangliam tih lantirtu a ni.

A nih leh, engatinge hmangaihna avanga kan hlim a kan lawm thin le. Scientist-te chuan hmangaihnaa kan luanliam lai tak hian kan thluaka chemical vangin kan hlim niin an sawi. Kan vun a lo êng a, kan lai a, kan sen leh deuh ap ap thin. Heng zawng zawng hi kan taksa chhunglam biochemistry vang a ni.

Rutgers University, New Jersey-a thawk Dr Helen Fisher chuan, hmangaihnaa kan luanliam lai hian sex hormones testosterone leh estrogen vangin hetiang hian kan awm niin a sawi. Hmangaihnaa ka luanliam chiah hian kan central nervous system chuan oxytocin leh vasopress te a tichhuak a, chu chuan testosterone leh estrogen te hi a tinung ta hliah hliah mai thin a ni.

Tichuan hmangaihnaa kan luanliam tak tak lai chuan kan thluaka neuroransmitters- dopamine, norepinephrine leh serotonin chuan hna an thawk a, zan mut hmunah muhil thei lo khawpin kan hmangaihte kan ngaihtuah a, chaw ei tuilo rawih khawpin kan lungleng a, kan lo ngaihtuah ta veng veng mai thin a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy