Daily Newspaper

Hmasawn turin huang zauh a ngai : PM Modi

10

Hmasawnna thleng tur chuan human-centric approach kalpui a ngai tia sawiin Prime Minister Narendra Modi chuan khawvel hmasawnna chu mi tlemte te chauhah a thleng thei lo tia sawiin agenda huamzau zawk ngaiin ‘dawhkan a lian tur a ni’ tiin a sawi.

Video conferencing hmanga 6th Indo-Japan Samwad Conference neiha thusawina a neihah Modi chuan tun hma chuan mihring te chuan thawhhona aiah a do zawnga inbeihna kalpui a nih fo thu a sawi a.

“Imperialism atanga Indopui thlengin, ralthuam inelna atanga vansang lama inelna thlengin sawihona kan neih thin te pawh midang te tihhniam tumna kalpuina a ni thin a. Tunah chuan hma i sawn tlang ang u,” tiin Modi chuan a sawi a.

“Global growth awm theih nana sawihonaah mi tlemte chauh an tel thiang lo. Dawhkan a lian zual tur a ni a, agenda pawh a zau tur a ni. Hmasawnna thleng turin human-centric approach a ngai a, kan chhehvel te nena inremna kan awm a ngai,” tiin a sawi bawk.

Modi chuan policy kalpui reng rengah pawh a bulthutah mihring mihrinna dah pawimawh a ngaih thu sawiin khuarel te nena inrem taka kan chenho hi kan dam chhahna bul a ni tiin a sawi bawk.

Prime Minster chuan traditional Buddhist literature leh scripture te dahna tur bik liau liau library din rawt bawkin, “India ramah heng facility din ni se kan lawm ngawt ang a, resource pawimawh te kan pe thei ang,” tiin a sawi bawk a. “Library chuan Buddhist literature hrang hrang digital copy a siam vek dawn a ni,” tiin a sawi bawk a.

“Lehlin vek a ni ang a, Buddhism monk leh scholar tin te hnenah a thlawna pek a ni ang,” tiin Modi chuan a sawi bawk a.

“Library chu literature dahthat nan mai ni lovin research leh dialogue neih nan pawha hman theih tur a ni ang,” tiin a sawi bawk.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy