Hmasawnna kalpui turin sawrkar inpeih thawkhat – F Rodingliana

Hmasawnna kalpui turin
sawrkar inpeih thawkhat
– F Rodingliana
Hmasawnna kalpui turin Mizoram sawrkar a inpeih thawkhat tawh a, mipui lam pawh inpeih chho zel turin a ngen tih minister F Rodingliana chuan a sawi.
Nilaini atanga Champhaia neih tan State Handloom Expo – Hathkargha Mela a hawnnaah Comerce & Industries minister F Rodingliana chuan, Mizoram sawrkar chu hmasawnna kalpui turin a inpeih thawkhat tawh a, mipui lam pawh inpeih chho zel turin a ngen tih a sawi. “Bana Kaih policy hmangin sawrkarin mipui khaichhuah a tum mek a; mipui thawhpuina tha tak kan hmuh chuan Mizoram hi khaichhuah theih kan inbeisei a ni,” a ti.
Mizote chu hnam naupang kan ni lo tih a lan chiannna chu handloom a ni, tiin, “Kan hnam incheinate hi a tichiangtu an ni,” a ti.
ZOHANCO chairman Lalliansawta chuan Mizote chu kutthemthiamna lamah theihna sang tak nei kan ni, tiin, handloom leh handicraft lam chu hnam angin kan bawh nasa lo a, heng thil hi hnam symbol ni thei tur khawpa siam turin ZOHANCO-in a buaipui mek niin a sawi.
State Handloom Expo-ah hian stall 44 a awm a, October 29 thleng neih a ni ang.