PC Party Vice President Lalrinmawii Fanai chuan Mizorama hmasawnna ruhrel liante hi PC Party sawrkar hmalakna vek a ni, tiin a sawi.
PC party thuchhuahah PC Vice President chuan, Lengpui Airport chu Brig.T.Sailo-a kaihhruai PC sawrkar laia ruahman a ti a. A hnuah Congress leh PC sawrkar inTawma Deputy Chief Minister Lalhmingthanga (L) Thahnemngaihnain bawhzui a ni a, chumi aTanga hmalakna kal zelin a hrinchhuah a ni, a ti.
Bairabi-a rel lo luh theihna pawh Brig.T.Sailo-a ruahmanna leh hmalakna niin, inchimralna venthawn thilah Sairang thleng tur erawhin PC sawrkar khan a ruahman lo, a ti a. Vai ram nena buaina kan neih thulha tuialhtheia dahkhawlna (Oil depot) te, Thenawm state-in Silchar kawng an block pawha kan pumpelh theih nàn Manipur, Tripura leh Burma te nena inkawlpawhna kawngpui te pawh PC sawrkar siam a ni, a ti bawk.
Aizawl leh Lunglei Greater water supply scheme phase 1 leh phase 2 vawiin thlenga kan la hmante pawh PC sawrkar hmalakna, a ti.
“Kawlphetha-a Mizoram kan intodelh theihna tura Bairabi Hydel Project, PC sawrkarin hmalakna thui tak a lo kalpui tawh kha, chhunzawm lovin hluihlawn ni tawh mah se, clearance engkim peih sa hmangin PC Party bawkin chhunzawm leh kan tum a. Keini PC.Party lo hi chu ram mamawh tak tak veitu leh hring tura paitu an awm lo a ni,” Lalrinmawii Fanai chuan a ti bawk.
Hmasawnna ruhrel lian, PC Party hmalakna vek: PC Vice President
