Daily Newspaper

Hmeichhe lubuk ber

10

Brooklyn, New York a cheng, Simone Williams chuan record a siam a, khawvela hmeichhe lubuk (largest afro) ber a ni ta. A afro hi 20.5cm (inches 8.07) a sang niin, 22.5cm (inches 8.85) a lian a ni a, tehkualin meter 1.48 (feet 4 leh inches 10) a lian a ni bawk.

Simone hian a sam hi a siam danglam a ni lo a, a pianpui ve reng a ni. Hetianga lubuk style hi afro an ti mai a, Simone pawh hi a lu a buk that theih em avangin record a nih theih mai an rin sak thin a, tunah chuan an ring dik ta a ni.

A hmaa hetiang record siamtu chu USA ami tho Aevin Dugas a ni a, kum riat chhung zet a record hi khum lohin a lo ding tawh. Simone chuan, “Aevin hi ka entawn ber a ni a, record siam tura ka tanna chhan ber pawh a ni. ‘khawvela afro lian ber’ tiin google-ah ka zawng a, ani hi a rawn lang ta a ni,” a ti a, “A tirah chuan ka sam chu record siampui theih rual a la ni lo tih ka hre nghal a, mahse, hetiang record hi a lo awm tih ka hriat avangin min tiphur thar ta a ni,” a ti bawk.

Record a siam ta chu a lawmzia sawiin, Simone chuan, “Ka awih thei lo hial zawk. Ka âng phuau ringawt a, ka thingthi deuh hnawk mai a ni! Ka hresual a ni lo maw tiin email ka hawng nawn leh ngat a, minute 10 vel hnuah ka awih thei chauh…Guinness World Records title holder nih chu a nawm dan a danglam ve riau a, ka tan chuan hlawhtlinna ropui tak a ni ve tlat a ni,” a ti.

Simone hian a naupan lai leh college a kal thlengin a sam hi a pawt ngil thin a, “Kum 23 vel ka nih atangin a nih ang hian ka pu ve tan chauh, a chhan pawh sam pawh ngilna atana sum sen ka ui vang a nia. A tirah chuan a hrehawm duh khawp mai a, mahse, a rei hnuah chuan ngaiah ka nei ve leh ta mai,” a ti bawk.

A sam pawh a su khat, kar khatah vawi khat te a su ve chauh a,, sulfate free shampoo tlem a hmang a, conditioner tam tak a hmang thin. A sam a suk zawhah hair moisturiser leh olive oil gel te a hman leh a, chumi hnuah a awmro tir thin.

Read More>> Full>> Epaper Subscribe Now

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy