Daily Newspaper

Hmeichhe lung tan strawberry

31

Kar khatah tum thum aia tam strawberry leh blueberry ei hian hmeichhe tan heart attack risk hmun thuma thena hmun khatin a tihniam thei niin mithiam ten an sawi.

Strawberry leh blueberry-ah hian dietary flavonoids a tam hle a, flavonoid-ah pawh anthocyanins a tam lehzual a, chu chu thisenzam leh lung (heart) tan a tha hle niin an sawi.

Zirchianna neitu, Harvard School of Public Health, Boston, Massachusette a mi Eric Rimm chuan, “Strawberry leh blueberry hi hmeichhia ten kar tin ei se la chuan an taksa hriselnaah a tha zawngin nghawng a nei nasa viau ang. Strawberry leh blueberry hi Unitd States-ah theihmu zinga an ei nasat a nih vangin zirchian nan kan hmang a, theihmu dang pawh a tha thoin a rinawm,” a ti.

Harvard School of Public Health leh University of East Anglia, UK a mithiam ten zirchianna hi neiin, hmeichhe chi hrang hrang, kum 25 leh 42 inkar mi 93,600-ah zirchianna hi neiin, chung hmeichhia te chu kum 18 chhung, kum li danah an ei leh in chungchangah questionaire an chhan tir thin a ni.

Zirchianna an neih chhung hian hmeichhe 405 chuan heart attack an nei hman. Hmeichhe zingah strawberry leh blueberry ei tam te chuan, thla khatah vawikhatmah ei ngai lo te aiin heart attack neih theihna risk chu 32%-in an nei hniam zawk tih an hmuchhuak niin an sawi.

Zirchianna an hotu pakhat Aedin Caddisy chuan, “Kum naupan deuh laia hetiang thei lo ei hnem pawhin kum upat hnua heart attack neih theihna risk a la tihniam thei tho a ni,” a ti.

He zirchianna chungchang hi Circulation: Journal of the American Heart Association-ah tihchhuah a ni.

(THE AIZAWL POST – Phuah Pawlh)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy