Daily Newspaper

Hmeichhe referee hnuaiah Juve chak nuamsa

7

Mipa Uefa Champions League match ham thei hmeichhe referee hmasa-ber ni ta Stephanie Fra-ppart-i’n history thar a siam zanah Juventus chuan sithum faiin an mikhual Dynamo Kyiv an sawp a, he inkhela goal khat khung-tu Cristiano Ronaldo chuan a career-ah goal 750 a tilut tling ve chiah bawk.

Nimin lama tarlan tawh angin, French hmei-chhe referee Frappart hian nikum Super Cup-a Liverpool leh Chelsea inkhel kha hamin, Uefa competition liana hmei-chhe referee ni thei hmasaber nihna a lo chang tawh a, tunah mipa Champions League match bika hmeichhe referee hmasaber nihna a chang zui leh ta a ni.

Nilaini zana Juve chakna goal hnih dang hi Federico Chiesa leh Alvaro Morata thun niin, Morata leh a tumkhatna atana Champions League goal khung Chiesa hian assist an nei ve ve bawk.

Italian champion hi last 16 lut tawh ni mah se Group G hmahruaitu Barcelona hmakhalh tura point mamawh an la ni a, Turin khuaa Kyiv an mikhual tum pawhin Ronaldo telin an player thate an awltir phal lo a, chungnung takin point thum an hlawhchhuak zui ta nghe nghe.

Goal hmahruai hi first half laihawla Chiesa thun niin, he goal khat hmang hian mualneitu team-in half time-ah sikhat faiin hma an hruai.

Second half tir lamah Portuguese forward Ronaldo chuan Juve goal hnihna thunin, Morata goal nen nuamsain point thum an thawkchhuak a, khelh ngaah point 12 neiin an group-ah pahnihna an luah a, hmahruaitu Barcelona lakah point thumin an la hnufual a, karleha an group hmahruaitu pahnih intawn hunah hian hma-hruaitu nghet a chiang tawh ang.

Kum 34 mi Ronaldo chuan Instagram lamah mimala a mellung thar phun chungchang tar-chhuakin, “Goal 750, hlimna hun 750 leh kan fans hmaia nui hmel 750. Heti zat number ka puitlin theihna kawnga min puitu player leh coach zawng zawngte chungah ka lawm a, nitina inthlah-dah thei loa rim lehzuala hna min thawhtirtu kan tumpui zawng zawngte chungah ka lawm bawk. A lehpek chu 800,” tiin a tarlang.

French hmeichhe referee Frappart khan kumin April thla mai khan Ligue 1 inkhel a ham tan a, mipa Champions Lea-gue match vil thei hmeichhe referee hmasaber a nih zanah player pathum chu yellow card hmangin a thunun a, 1st half-a Ukrai-nian-hoin penalty an ngiat chu a hnawlsak bawk.

Dynamo coach Mircea Lucescu chuan an khel tha tia sawi theih ni lo mah se tlarhnung lama tihsual an neihte an tuar tih a sawi a, back line-a kum 18 leh 21 inkar player dintir chu a hautak tih tarlang telin, a player-te tawnhriat neih loh an tuar niin a sawi.

Nilaini inkhel
Krasnodar 1-0 Rennes
Istanbul Basaksehir 3-4 RB Leipzig
Sevilla 0-4 Chelsea
Borussia Dortmund 1-1 SS Lazio
Club Brugge 3-0 Zenit
Juventus 3-0 Dynamo Kyiv
Ferencváros 0-3 Barcelona
Manchester United 1-3 PSG

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy