Hmeichhe zinga Nobel Prize dawng hmasa ber a ni a, Nobel Prize vawi hnih dawng thei hmasa ber a ni a, scientific field hrang daih pahniha Nobel Prize dawng thei awm chhun a ni a, nupaa Nobel Prize dawng thei hmasa ber an ni bawk.
Marie Curie, Polish-French physicist hian 1903 khan Physics-ah Nobel Prize a dawng a, hetah hian a research puitu a pasal Pierre Curie chuan Nobel Prize hi a dawng tel (share) ve bawk. He Nobel Prize hi Professor Henri Becquerel nen “Radioactivity” thilah joint research an neih avanga dawng an ni a. Prize share an ti a, Professor Henri Becquerel hian 1/2 a chang a, Marie Curie hian 1/4 a chang a, a pasal Pierre Curie pawhin 1/4 a chang bawk.
Marie Curie hian kum 1911 khan Chemistry-ah Nobel Prize a dawng bawk a, element pahnih Radium leh Polonium a hmuhchhuah vang a ni. Mi pakhatin field hran pahnih (Physics & Chemistry)-a Nobel Prize dawng hi an la awm lo niawm tak a ni.
Marie Curie ten an hmuhchhuah Radioactivity hi tun hnuah hian khawvel hian a chhawr tangkai hle a. Radium atanga nuclear energy an hmuhchhuah dan te, nuclear energy pawimawhzia leh tangkaizia chu a phawvuakah kan hretlang awm e. Ralthuam lam siamna pawimawh tak a nih rualin nuclear energy hmanga damdawi lama inenkawlna (cancer treatment) thlengin hman tangkai a ni a, scientific research atan a pawimawh em em bawk. Hetiang khawpa khawvelin a hman tangkai zui tak zel ni ta hmuchhuaktu Marie Curie hi hmeichhe ropui berte zinga hming dai tawh lo tur a ni.
Hmeichhe Ropui: Marie Curie
