Daily Newspaper

Hmeichhe tan- tihsual loh tur

8

(chhunzawmna)
4. I hun zawng zawng i kawppui bulah hman tum kher suh. Inhmuh khât te hian inngaihna a tizual an tih hi a dik ve thei viau. Hmeichhia ten keimahni pual hun bik kan insiam thiam ve tur a ni. Engtik lai pawha kawppui te bula tawlh reng tur a ni bik lo. Mahni a chawlh hahdam leh hawi thawvenna hun te insiam ve tur a ni.
5. Inenkawl uluk reng rawh. Exercise te la la, i rilru leh taksa hrisel nan \an la la, i pian leh landan a mawi theih nan inenkawl uluk reng ang che. Hmeichhe tam takin pasal an neih hnuah mahni inenkawl uluk an peih lo a, nalh a \ul an ti lo \hin. Mahse, pasal neih hnuah \an lak sauh sauh zawk tur a ni, pasal ten duhawm leh nalh an tih theih tura awm tum zawk tur a ni.
6. A tihsual apiang ngaidam reng bik suh. Vawi hnih khat tihsualah thupha an chawi a, an tihsual an pawm chuan inngaihdam a \ha, mahse, chutiang chu a thleng fo a, ngaihdam a dil a ngai reng a nih chuan in inlaichinnaah ngaihtuahna sen thar a \ul ang. A tihsual \hin chu a tisual nawn fo a nih chuan ngaihdam a dil apianga ngaihdam reng a fuh bik lo. Chutiang bawkin hmeichhe \henkhat chuan an tihsual ni loah an inlaichinna a chhiat loh nan tiin a thiam lo zawk anga lan an ching \hin. Hetiang pawh hi chin loh tur a ni. Mipa a tihuangtau a, a palzam telh telh che ang a, i nun a hrehawm tawlh tawlh zawk ang.
7. I kawppui hnenah engkim hrilh vek kher suh, a hriat loh atana \ha zawk te pawh a awm. Hmeichhe \henkhat chuan an kawppui te lakah zêp ruk an neih hian rinawm lo ta riaua inngaihna te an nei \hin, mahse, engkim hrilh vek kher hi a \ul ber lo a, an hriattur chin erawh hrilh ngei tur a ni thung. A hriat atana \angkai lo a awm a, a hriat loh atana \ha zawk pawh a awm, chu chu thliar thiam tur a ni. Hei hi kan thliar thiam loh chuan a hnua kan buai lehna mai mai tur a ni.
8. Inrintawnna hi inlaichinna tinghettu pawimawh ber te zinga mi a ni, chutih rualin i kawppui chu a mizia leh awmdanah inthlak danglam deuh a awm em tih te chik hle ang che. Zankhat thil thuah a danglam thut a ni lo va, zawi zawiin a mizia leh awmdan, a hun hman dan te a lo danglam hret hret a, chu chu man thiam a pawimawh hle a, buaina lian zawk a thlen hmain thil dik lo i hraitchhuah phah thei dawn a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy