Daily Newspaper

Hmeichhe zinga darkar khata burpee tihnem ber record siam


Alison Brown, kum 38, chuan darkar khatah burpee vawi 730 tihmanin, hmeichhe zinga darkar khata burpee tihnem thei ber record a siam. Listowel, Ontario-a cheng, personal trainer Alison Brown hian chest-to-ground burpee hi New U Personal Training Studio-ah a siam a ni.

Burpee chu excercise lak dan hahthlak tak mai a ni a, an ding ngil a, chutah zuang chungin push-up ti tur angin an bawk leh a, push-up tiin an âwmin lei an sik tir a, chutah zuang thoin an ding leh a, zuangin chunglamah kut an phar chhuak leh thin. Hetiang hian darkar khat chhungin vawi 730 a tihman a, Guinness World Record a siam ta a ni.

A hmaa hetiang lama hmeichhe record chu 709 a ni a, hei hi Brown hian a rawn khum ta a ni. Brown chuan, “A va lawmawm em. A hmaa record siamtuin khum tur a siam sang lutuk a. Chuvangin ka theihna zawng zawng sawm khawma a aia sang zawk thlen ka tum ta a, ka ti thei tih ka hriat chiah khan a nuam danglam khawp mai,” a ti.

Brown chuan a fapa Andrew-a’n a chophur vangin record hi a siam niin a sawi. Andrew, kum 9, hian Guinness Book of World Records an inah a hawn a, a nu entirin, “Nu, hetiang record hi eng emaw tak chu i ti thei ve lo maw?” tiin a nu chu a chophur ta a, Brown chuan, “Bawiha, i tum phawt chuan theih loh i nei lo ang,” tiin a chhang a, a sawi mai duhtawk lovin a takin a entir ta a ni.

Read More>> Full>> Epaper Subscribe Now

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy