Daily Newspaper

Hmeichhia chu…

68

Mipa tan hmeichhe rilru te hi hre thei ila chu engkim a awlsam duak mai tur a ni a, an rilru tak tak chu hriat theih ngaihna a awm lo a, mahse, a duh zawng leh a ngainat zawng te lo hre ru khiau ila chu a tha dawn tlat. Vawiin chu hmeichhe chungchanga mipa tana hriat tur pawimawh ni a relationship lama mithiam te sawi kan rawn tarlang ve thung e.

Hmeichhia zawng zawng an inang vek lo tih erawh hriat tur a ni a, tuna kan rawn tarlan hi a tlangpui thu a hmeichhe nihphung a ni tih theihnghilh loh a tha ang.

1. Hmeichhia chuan an thusawi te ngaithla peih mipa an ngaina thin. Mipain sawi tur a neih te ngaihthlak aiin an thusawi mipain tha taka an ngaihthlak hian nuam an ti zawk a, in awm dun kher lo a nih pawhin phone call emaw text emaw pawhin i contact reng thei tih theihnghilh suh.

2. Fak nih nuam an ti. A incheina te, a lan dan te, a sam tih dan te, a ei tur siam te leh a thil tih dangah te, mipain an fak hian nuam an ti. Mahse, i fakna awka chu ‘over’ suh se. A over chin chu an hrethiam teh mai a nia.

3. Hmeichhia chuan atana insengso hreh lo mipa an ngaina. Uikawm lutuk an duh lo a, an bula chet tlat an peih lo. Mipa zawk thil lei sak ngai reng ang chi te hi an ngaina lo a, mipain present an pek te hian nuam an ti.

4. Hmeichhia chuan thian kawm nuam an ti a, an thiante nena inhmuh khawmna hun nei hman lek lo a vil tlattu mipa chu an ning thuai mai thin. Mipain a ta neih hlur hian nuam an ti ngai lo.

5. Mipa inchei nalh zaih mai hian hmeichhe mit an la thin a, mipa fai vang mai hi hmuh nuam an ti bawk.

6. Hmeichhia chuan mipa hawi zau leh thil hre zau te bula awm nuam an ti a, chutih rualin an hriat loh pui pawh hria anga awm tum tlat mipa erawh an ngei ru riau thin.
7. Mipa chapo leh inti vei hi an ngaina tak tak ngai lo.

(THE AIZAWL POST – Phuah Pawlh)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy