Damchhung reiloteah hian “Min duh ve em le?” ti a rilru buai tak hun khawhral mai mai a uiawm lutuk e, an tia lawm. Chuvangin hmeichhiain a haw hran lo che tih hriat theih dan tur ni a relationship lama mithiam te sawi kan rawn tarlang e.
1. In la inhre lo, biak pawh in la inbe lo, mahse, a lo en leh reng thin che a, i en ve veleh a mit a la sawn a, rei vak loah i la en em tih hre tur niawm takin a rawn melh leh che a! Hei hi sign tha tak a ni. Sign tha lehzual chu i kalsawn pawhin a mitin a zui zel che!
Mahse, pawimawh deuh chu, khatia a rawn melh che nia i hriat khan, signal i pek let ve hmain i bul hnaiah midang emaw thildang emaw, khatianga a rawn melh theih tur an awm em tih chian phawt rawh. Sexy tawka i melh let hnu lawkah i bula thildang kha a mit latu zawk a nih tih hriatchhuah leh si chu zahthlak deuh tur a nia!
2. A nui seih a, a hming a hrilh che a, laih hmel deuha a awm a nih chuan a tha lutuk tlat! A sam a khawih neuh neuh a, a nui nasa sawt a, tul vak lohah pawh eng emaw a ti kual deuh sek ang.
3. In inbiak pawh hnuah i duh zawng leh nuam tihzawng te a hre chak ang a, a duhzawng nen inanna a neih leh neih loh te a hre chak dawn. I film en duh zawng te, i chawhmeh tui tih zawng thlengin. Inanna in lo nei tehchiam lo a nih pawhin, “Tih ve chhin tur a nih chu,” te emaw a ti leh hlauh ang.
4. A khawih palh che em. Entir nan tawng pahin i dar/koki te a rawn vuan em, i nak-ah te fiam niawm takin a rawn dzk deuh ti tih em. A taksa han ngheng chhin la, a tawlhsawn lo em. Chutiang a nih chuan sign tha tak a ni. Mahse, i khawih fuh hlek (tihpalh pawh nise) pawh a meiling tawk ang maia a chesawn nghal zel a nih chuan kalsan daih rawh.
Hmeichhia-in a duh che em?
