Mipa ten hmeichhe chungchanga hriat an chak em em chu- hmeichhia te ngaihthlak nuam tih zawngeng nge niang? tih hi a ni awm e. Cutih rualin mipa ten hmeichhia te chu tihlawm zawh loh, a dang duh belh zel angah an ngai deuh fur bawk ang.
Hmeichhe tihlawm chu thil harsa a ni lem lo, a hriat sa reng kha hrilh nawn leh a ni mai! Hei le, hmeichhia te ngaihthlak chak zawng ni a relationship lama mithiam sawi kan rawn tarlang e.
1. I nalh lutuk. Hmeichhia chu fak hreh suh, i fak thiam zawh poh leh nang pawhin i dawng hnem ve dawn tih hre reng rawh. A hriat chak ngei mai kha han sawi la- a thawmhnaw inhmeh i tih thu te, a sam thar nalh i tih thu te pawh mark score tak a ni.
2. I zei lutuk. Hmeichhia ten mipain zei an tih hian nuam an ti, tih hre reng rawh.
3. Naupang engkawl i thiam hmel. Hmeichhia ten an fa neih hun tur hi an thlir ve ran a, nu tha tak nih te pawh an tum. CHutiang rilru a put laia a, nu tha tak ni thei tura i ngai kha atan chuan lawmawm veng veng tak a ni.
4. Eng nge i ngaihdan? Hmeichhia chu a ngaihdan ngaichang thiam la- i thawmhnaw hak tur mai maiah pawh a duhzawng te han thla tir la. I thil tih dawnah a tha a tih leh tih loh te rawn ve thin rawh. Chutianga i tih chuan i tan a pawimawh niin a inhre dawn a ni.
5. Ka tawng che hi chu ka vannei ngawt mai. Amah vangin i nun a nuam tih te hrilh la, ani i lo tawng kher kher chu vannei i intih zia te pawh hrilh teh. Lawm avangin a sen deuh tan tan a nih pawhin mak ti suh.
6. Ka rilru pawh i hre thei a nih hi.Engmah i sawi loh pawha i awmdan hrethiam thei nih kha nuam a ti teh mai a nia. I ei chak zawng emaw, a present pek che emaw kha han fak la, i duhzawng hrethei riau ni a a lan khan nuam a ti tlat.
7. Ka hmangaih che. Vawi tam tak i sawi tawh a nih pawhin sawi nawn leh fo rawh. Hmeichhia ten he thu mal pathum hi an ngaihlu teh mai a nia. A rin loh deuh hunah te khan han sawi teh le.
Hmeichhia te ngaihthlak nuam tih zawng
