Hmeichhia te mipa duhzawng hriat theih hi mipa tan a chakawm viau maithei, mahse, kan star ruk ngawih gnawih te duhzawng ang kan nih si loh chuan a beidawn thlak leh fu si ang.
Tun tum chu mipa zei leh zei loh lam aiin mipa pianzia-a hmeichhe duhzawng a nia kan sawi dawn, mahse, sap kan tih ho nen hi chuan kan inang lo em mai a, keini tan chuan a ni ve kher lo mai thei, mahse, eng emaw chen chu kan hriatthiam phah ngeiin a rinawm.
Britain-a in tur siamtu company pakhat Orangina-in survey an neih atanga a lan dan chuan hmeichhia ten mipa sang lutuk aiin mi vantlang an duh zawk tlat.
Hmeichhia ten pasal atana an duhzawng an thlan tir chhinah chuan mipa kum 30-45 inkar, feet 5 leh inches 10 vela sang, hnathawh nei, eirawngbawl thiam an duh ber. Feet 5 leh inches 10 pawh hi Mizo zingah chuan pa sang pawl tak chu an ni tho mai a, Mizo mipaah chuan average height hi feet 5 leh inches 6-7 vel a nih a rinawm.
Poll atanga a lan dan chuan hmeichhia te chuan mipa innghah ngamna, inchhung khur ngaihsak mi, tlema romantic ve deuh, inhmuam up lutuk lo, average height te pasal atan an duh ber a ni.
Hmeichhia ten eng mipa nge an duh?
![](https://theaizawlpost.org/wp-content/uploads/tap_logo-min-large.jpg)