Site icon The Aizawl Post

Hmeichhiain a \hen dawn che tih hriat dan

Mipa tan, i ngaihzawngin a then dawn che tih hriat lawk theih dan a awm niin an sawi! A la serious che em? A rilruah eng nge awm? Nge midang nghah nan a hmang mai mai zawk che.
Hmeichhe tan mipa ten ‘standby’ atan an hmang nge hmang lo che, tih hriat dan kan rawn tarlang tawh a, vawiin chu mipa tan a ni ve thung e. Inneih i rawt hmain heng te hi lo chhiar ve phawt teh le.
1.Hmaichhana inkawm aiin SMS a thlang zawk em? Hmeichhia chuan a duh tak tak che a nih chuan eng anga buai pawh nise i tan hun a nei thei zel mai ang. Eng emaw chhuanlam a nei thei viau a nih chuan a rilru tur chu hrethiam ve mai rawh.
2. In hmuh in lo intiam tawh a, mahse, chhan ho te vangin a thulhsan leh thin che em? Entir nan, pangpar tui pek a ngai a? tih vel vang mai maiin a thulhsan che em? Chutiang a nih chuan alakah chance i nei lo tih hrethiam rawh.
3. A thiante a hmelhriat tir ngai lo che. Hmeichhiain mipa a duh tak tak chuan a thiante hnenah a sawi ngei ngei thin. Hmeichhia zawng zawng deuhthawin an ngaihzawng te chu an thiante nena inhmuhtir an chak thin. In inzui rei ve tawh viau chung pawha a thiante a la hmelhriat tir lo che a nih chuan kalsan a hun a nia.
4. I online velah a logout daih zel em? Tunlaiah internet te kan hmang nasa ta, social networking site Facebook leh thildang te pawh inkawm nan kan hmang ta hle. Hetiang velah i online veleh a logout nghal daih zel a nih chuan a kawm chak tehchiam lo che tih hrethiam ve mai rawh.
5. Nang aiin a thian te a ngaihven zawk em? A thiante damlo a ngaihven dan leh i dam lo a ngaihven ve thin dan che han ngaituah teh le.
6. I thiltihah sawisel tur a ngah. I nuih dan leh i kawr hak te leh i chetziaah te sawi sawisel tur a ngah viau chuan hethiam ve mai rawh.
7. A thinrim awlsam. Eng emaw hlekah a thinrim chiam zel em? Thil ho deuh, thinrimna ni loa i ngaihah te pawh a tek viau zel em?

Exit mobile version