US Consulate General Kolkata buatsaihin Aizawlah hmeichhia, entrepreneurship lama hma la duh tan ni hnih awh boot camp neih a ni.
United States sawrkar hnuaia Department’s Bureau of Education & Cultural Affairs (ECA) hmalakna in, India hmarchhaka hmeichhia, entrepreneurship lama hma la duhte kawng kawhhmuh leh hriat tur inhrilhin ruahmanna siam a ni a. Hemi project pakhat Academy of Women Entrepreneurs (AWE) 4.0 chu US Consulate General Kolkata hian kalpuiin, tun tumah hian Mizoram leh Tripura tan bika ruahman a ni. Kolkata-a social enterprise pakhat – Contact Base-in an buaipui a ni.
AWE 4.0-a tel duh tan QR code scan a, online-a dilna thehluh a ni a, a diltu hi hmeichhia tur niin, diltu zingah mi 50 thlan an ni. Heng mi 50 hi April 1 & 2 khan Tourist Lodge Chaltlangah residential boot camp neihpui an ni a, Thawhlehni tlai khan khar a ni.
Mentor leh mithiam hrang hrangten sumdawnna kawngah training an pe a. Boot camp zawhah hian an business plan-ah presentation an pe a, heta tithate chu Kolkata-ah boot camp neihpui leh an ni anga, an senso hi organiser lam tum tur a ni.
Business plan tha pathum thlante chu cheng nuai hnih pek an ni anga, AWE-a tel hrim hrim hi entrepreneur tan chuan hlawkna tam tak a awm beisei a nih bakah an mamawh ang zela mentoring pek, buyer-seller meet leh online training ah an tel thei dawn a ni.
Hmeichhiate entrepreneurship sawipui
