PC Party MP Candidate tur Rita Malsawmi chuan, “Ram hmasawn nan hmeichhiain hma kan sawn a ngai a. Central sawrkar hian hmeichhiate tana eizawnna siamna tur scheme tha tak tak a nei a. MP ka lo nih chuan heng scheme hi hmang tangkaiin hmeichhiate tana hmasawnna ropui tak ka thlen dawn a ni,” a ti.
He thu hi nimina party office-a PC Party Campaign Committee Meeting neihnaah Rita Malsawmi chuan a sawi a. Central Scheme hrang hrang hmang tangkaiin Mizoram tih hmasawn theih a nihzia a sawi bawk. Hmeichhia te tana hmasawnna tur scheme awm that zia leh sawrkarin a bawhzui that loh avanga a nih dan tur anga mipuiin kan hlawkpui loh dan te a sawi a; MP a nih chuan helam hian a lak nasat tur thu a sawi ni.
Rita Malsawmi hian vawiinah Nomination file a tum a ni.
Hmeichhiate hamthatna atan hma ka la dawn – Rita Malsawmi
