Hmelthat nan pudina
Pudina hi taksa hrisel nan a that dan kan rawn tarlang fo tawh a, tun tum chu hmelthat nana a thatna hrang hrang Times of India health section-in an tarlan te kan rawn chhuah chhawng e. Pudina hian tihdam theihna a nei a, hei vang hian hmakhawsang atang tawhin damdawi chi hrang hrangah an lo hmang uar tawh hle a, a bikin pum lam chiang lo tan damdawi tha tak a ni. Hetihrual hian vun tan pawh a tha hle tih erawh kan la hre lo mai thei a, tun tumah hian vun tana a thatna te kan rawn tarlang e.
- Vun a ti-êng thei. Pudina hian a vun a tihahdamin, a tiharh thar thei a, chu chuan vun-a thil dum neuh neuh awm te a tirehin, vun a tilang êng lehzual thei.
- Vun tinaupangtu tha tak a ni. Pudina hian vuna thisen luang vel a tichakin, vun a tihnawng a, chu chuan vun a timarin a tihrisel thin a, vun upa chak tur vengin, kum upa avanga vuna inrin neuh neuh leh chuar hma tur te a veng thei.
- Pudina-ah hian antioxidant a tam a, chu chuan kan taksa a free radical a bei let a, chu chu vun hriselna leh hmelthatna a ni.
- Arngneng enkawl nan a tha. Pudina rawt sawm la, rose water tlem pawlh la, besan tlem pawlhin tidiak la, chu chu hmaiah hnawih la, minute 30 vel i chiah hnuah tuisikin i phihfai leh mai dawn nia.
- I vun a khawro thin em? Pudina rawt sawm la, a tui sawr la, chu chu i vunah hnawih la, moisturiser tha tak a ni.
- Vun tifaitu tha tak a ni. Pudina rawt sawm la, a tui sawr la, oatmeal thirfiante khat vel nen chawhpawlh la, chu chu i hmaiah hnawih la, minute 10-15 vel chiah la, i phih fai leh mai dawn nia. Hei hian vuna cell thi tawh te a tifai thei.
- Toner tha tak a ni. Pudina chu chhum la, a tui thli chhuakin tidai la, chu chu toner angin i hmang tawh mai dawn a ni. Nitin a tui chu i vunah te i phuh deuh thet thet ang a, i vun a ti-fresh-in a tiêng thei ang.